ءداستۇرلى ءانشى تاتيانا بۋرميستروۆاعا «قالانىڭ دامۋىنا قوسقان ۇلەسى ءۇشىن» توسبەلگىسى تاپسىرىلدى - فوتو

كەش باستالماس بۇرىن، تەاتر فويەسىندە ءانشى ومىرىنەن سىر شەرتەتىن «قياعا قانات قاقتى قانشا ارمانىم!» اتتى فوتوكورمە ۇيىمداستىرىلدى. «قوڭىر داۋىس» دەرەكتى فيلمى كورسەتىلدى. فيلمدە ءانشىنىڭ ءومىرى مەن ونەر جولىنداعى قىزىقتى دا تارتىستى كەزەڭدەر بەينەلەنگەن.

شىعارماشىلىق كەش «مەن قازاقتىڭ قىزىمىن»، «اق تاماق» اندەرى جانە تەاترلاندىرىلعان قويىلىمدارمەن باستالىپ، تاتيانا بۋرميستروۆانىڭ ونەرىنە ارنالعان ولەڭدەردەن پوەتيكالىق كومپوزيتسيا، حالىق اندەرىنەن سازدى ءانشاشۋلار مەن «ايەلدىڭ جاسى 18...» سىرلاسۋ اندەرى ورىندالدى.

ايتا كەتەيىك، قازاقتىڭ ءان- تەرمەسىن 30 جىلدان اسا ۋاقىتتان بەرى دارىپتەپ، ەلىنىڭ سۇيىسپەنشىلىگىنە بولەنىپ جۇرگەن ورىس قىزى تاتيانا بۋرميستروۆا بايدىبەك اۋدانىنداعى العاباس اۋىلىندا دۇنيەگە كەلگەن. قازاق ءتىلى مەن قاسيەتتى قوس ىشەكتى دومبىرانى سەرىك ەتكەن دارىندى ءانشىنىڭ شىعارماشىلىق كونسەرتىنە وبلىس اكىمىنىڭ ورىنباسارى ۇلاسبەك سادىبەك ۇلى قاتىسىپ، وبلىس باسشىسىنىڭ قۇتتىقتاۋى مەن سىي- سياپاتىن تابىستادى. ال، شىمكەنت قالاسىنىڭ اكىمى عابيدوللا ءابدىراحىموۆ «قالانىڭ دامۋىنا قوسقان ۇلەسى ءۇشىن» توسبەلگىسىن تاپسىردى.

اۆتور: اينۇر اقبايەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى