الەمدىك برەند جاساۋدىڭ قۇپياسى
بۇل كورسەتكىشتىڭ ۇلكەن ۇلەسى % 33 ازيا قۇرلىعىنا تيەسىلى، ودان كەيىن ەۋروپا مەن سولتۇستىك افريكا تۇر. ەگەر لاتىن امەريكا نارىعىندا فرانچايزينگ ۇلەسى 2007 -جىلى % 7 بولسا، 2015 -جىلى % 12 عا دەيىن كوتەرىلگەن. جەرگىلىكتى فرانشيزا دامىعان ەلدەردىڭ كوش باسىندا - برازيليا، ودان كەيىن اقش، وار، جاپونيا سەكىلدى ەلدەر بار. ال رەسەيدە فرانشيزا ۇلەسى % 60 دان جوعارى بولسا، قازاقستاندا ونىڭ ۇلەسى %20 دان اسپايدى. فرانچايزەرلەر سانى بويىنشا قىتاي ءبىرىنشى ورىندا، وندا 5 مىڭعا جۋىق فرانچايزينگ جەلىسى بار. قازاقستان نارىعىندا فرانچايزينگ ريتەيلمەن، ياعني بولشەك ساۋدادا تانىلعان. كيىم- كەشەك، تۇرمىستىق زاتتار مەن باسقا دا تاۋارلاردىڭ فرانشيزاسى اشىلعان. ودان كەيىن قوعامدىق تاماقتانۋ مەن سەرۆيستىك قىزمەتتىڭ دە فرانشيزالارى الىنعان. ەلىمىزدە فرانچايزينگ شارتىندا جۇمىس ىستەپ وتىرعان كاسىپورىنداردىڭ جىلدىق اينالىمى 3 ميلليارد دوللارعا جۋىقتايدى. باتىس ەلدەرىندەگى فرانچايزينگپەن جانە ءوزى جەكە جۇمىس ىستەيتىن كومپانيالارعا تالداۋ جۇرگىزگەندە، ءار ءتورت كومپانيانىڭ ءۇشىنشىسى 5 جىل ىشىندە جابىلادى، ال فرانچايزينگتەگى كومپانيالار شىعىنعا باتپايدى. ەگەر كاسىپورىندار ءبىر برەندپەن جانە ءبىر ماركەتينگپەن جەلى رەتىندە قۇرىلسا، توقىراۋ مەن داعدارىستان جەڭىل شىعادى. وسى رەتتە يسپاندىق كاسىپكەرلەر الماتى كاسىپكەرلەرىنە الەمدىك اتاۋداعى كومپانيا قۇرۋدىڭ قىر- سىرىمەن ءبولىستى.
الماتى قالاسى كاسىپكەرلەر پالاتاسىنىڭ ۇيىمداستىرۋىمەن وتكىزىلەتىن French day ءىس- شاراسىندا جەكە كاسىپپەن اينالىسۋشىلار فرانشيزا، ونىڭ ەرەكشەلىگى مەن مۇمكىندىكتەرى تۋرالى پىكىر الماسىپ، تاجىريبە بولىسەدى. كاسىپكەرلىككە باۋلۋدىڭ كەزەكتى وتىرىسى قاراپايىم حيميالىق تازالاۋ ورتالىعىنىڭ الەمدىك برەندكە اينالۋى تاقىرىبىنا ارنالدى. 1994 -جىلى مادريدتە اشىلعان Pressto حيميالىق تازالاۋ ورتالىعىنىڭ بۇگىنگى جەتىستىگى قىزىعارلىقتاي. دۇنيەجۇزىندەگى 24 مەملەكەتتە ءۇش ميلليوننان استام كليەنتى بار ءىرى كومپانياعا اينالدى. الەمگە ەڭ تانىمال كىر جۋاتىن ورىن ديرەكتورىنىڭ ورىنباسارى فرانسيسكو گارريدو الونسونىڭ ايتۋىنشا، جەتىستىكتىڭ بار سىرى - كليەنتكە قاراي بەيىمدەلۋدە. «Pressto الەمدەگى ۇزدىك 100 فرانشيزانىڭ قاتارىندا. 538 حيميالىق تازالاۋدىڭ ىشىندەگى 59 ورىن مەنشىك يەسىنىكى. ال قالعاندارى فرانشيزامەن اشىلعان. كومپانيا نارىقتىڭ ءتۇرلى تالاپتارى مەن جاعدايلارىن زەرتتەپ، كليەنتتەردىڭ سۇرانىسىنا قاراي بەيىمدەلۋ ارقىلى جۇمىس ىستەيدى. تۇتىنۋشىلار زاتتارىن ۇقىپتى، تياناقتى تازالايتىن كاسىبي مامانعا تابىستاعىلارى كەلەدى. يننوۆاتسيالار ءاردايىم ەنگىزىلىپ كەلەدى. دەگەنمەن ەڭ باستىسى - كليەنتتەرمەن جۇمىس ىستەۋ. كليەنتتەر تاپسىرىسىنىڭ سوماسىنا قاراي بالدار مەن بونۋستار بەرىلەدى. بۇل كليەنتتەردىڭ قايتا كەلىپ تاپسىرىس بەرەتىنىنە سەنىمدىلىكتى وياتادى» ، - دەپ ءتۇسىندىردى فرانسيسكو گارريدو الونسو ونلاين بايلانىس ارقىلى.
شەتەلدىك ماماننىڭ ايتۋىنشا يسپانيالىق ماركانى قاراپايىم كىر جۋاتىن ورىنمەن سالىستىرۋعا بولمايدى. Pressto حيميالىق تازالاۋ بۋتيگى. وندا بولمەنىڭ ديزاينىنان باستاپ ءتۇرلى قىزمەتتەر ۇسىنىلادى. شەتەلدىك مامان جەتىستىكتىڭ كەلەسى ءبىر قۇپياسى - قىزمەتتىڭ اشىقتىعى ەكەنىن ايتتى. ەگەر وزگە كومپانيالاردا بارلىعى جابىق، جاسىرىن بولۋى تۇتىنۋشىلاردىڭ سەنىمدىلىگىندە كۇمان تۋدىرادى. كومپانيادا تۇتىنۋشىلاردىڭ كەلىپ، ىسكە ارالاسىپ، كەز كەلگەن زاتتارىن وزدەرىن تازالاۋعا، ءتىپتى ولارعا مامانداردىڭ تازالاۋ پروتسەسىن باقىلاۋعا مۇمكىندىك جاسالۋى سەنىمدى جۇمىستىڭ نەگىزى. «قارجىلىق قيىندىعى بار كليەنتتەرگە قىزمەت كورسەتەمىز. نەسيەگە قىزمەت الۋعا دا بولادى. ءتىپتى وزدەرى جۋىپ الا الادى، بۇل الدەقايدا ارزانىراق. ال قىزمەتكەرلەر ءاردايىم كومەكتەسىپ، كەڭەس بەرەدى» ، - دەيدى فرانسيسكو الونسو.
قىزمەتتى ءارتاراپتاندىرۋ بيزنەستىڭ مۇمكىنشىلىگىن ارتتىرادى. تەك تاپسىرىس بەرىپ قانا قويماي، جوندەۋ، تىگۋ، قايتا ءپىشۋ سەكىلدى قىزمەتتەردى كورسەتۋ - كليەنتتىڭ ۋاقىتىن ۇنەمدەپ، كاسىپكەردىڭ تابىسىن ارتتىرادى. سونىمەن قاتار تسيفرلىق تەحنولوگيا مەن ينتەرنەتتىڭ قارقىندىلىعىندا ونلاين تىركەلۋ ارقىلى تاپسىرىس بەرە وتىرىپ، جۇمىستىڭ بارىسىن تولىقتاي باقىلاۋعا دا جاعداي جاسالعان. ال قىمبات ماتا، تەرى مەن بىلعارىدان جاسالعان زاتتاردى ماۋسىم سايىن ساقتاۋعا دا بەرۋگە بولادى. مۇندا ەرەكشە كۇتىم قاجەت زاتتارى ارنايى تالاپتار مەن تەمپەراتۋرادا ساقتالادى. ەسكە سالساق، قازاقستاندا فرانشيزا 1994 -جىلى Coca-Cola Bottlers Almaty زاۋىتىنىڭ اشىلۋىمەن بايلانىستى. 1994-2004 -جىلدار ارالىعىندا ەلىمىزدە 150 شەتەلدىك فرانچايزينگ جۇيەسى جۇمىس ىستەپ، ونىڭ اياسىندا 1150 كاسىپورىن اشىلعان. ال 2004 -جىلدىڭ 2010 -جىلعا دەيىن فرانچايزينگ جۇيەسى ەكى ەسەگە ءوسىپ، ەشكى نارىقتا 350 برەند جۇمىس ىستەدى. ەلىمىزدە ءوندىرىس سالاسىنداعى فرانچايزينگ% 23 بولسا، ساۋدا سالاسىنداعى كومپانيالاردىڭ% 46 فرانشيزادا، ودان كەيىن قوعامدىق تاماقتانۋ - %22، حالىققا قىزمەت كورسەتۋ -% 11، ساياحات سالاسىندا% 7 بار.
Massaget.kz
