مەن تۋعاندا بەرىلگەن تۋۋ تۋرالى كۋالىك لاتىن ارپىندە جازىلعان- ق ر حالىق ءارتىسى ءسابيت ورازبايەۆ

«مەنىڭ تۋۋ تۋرالى كۋالىگىمدە «1936 -جىلى 29- قىنۋاردا تۋعان» دەپ جازىلعان. قىنۋار دەگەنى - يانۆار. لاتىن ارپىندە وقۋ ەش قيىندىق تۋعىزبايدى دەپ ويلايمىن. جالپى، ەلباسىنىڭ جولداۋلارىنداعى ماقسات قازاق حالقىن ماڭگىلىك ەل جاساۋ عوي. ەگەمەن ەل اتالعالى قانشاما مەملەكەتتىك شارۋا جاسالدى. وسى ءالىپبيدى اۋىستىرۋ ەڭ ماڭىزدى ماسەلەنىڭ ءبىرى بولاتىن. جەر ءجۇزىن قاراپ وتىرساڭىز، الەم حالىقتارىنىڭ 70 پايىزى وسى لاتىن ارپىمەن جازادى ەكەن. دەمەك، بۇل - ەل بولۋ، الەمدىك كوشكە قوسىلۋ جولىندا جاسالعان تاعى ءبىر قادام. ارينە، وڭاي ەمەس، ءبىراق بۇعان ءوزىمىزدىڭ ءتول دۇنيەمىزدەي قاراساق، تەز جاتتالىپ كەتەدى دەپ ويلايمىن»، - دەدى ءسابيت ورازبايەۆ.

 ايتا كەتەيىك، بۇگىن ەلباسى نۇرسۇلتان نازاربايەۆ قازاق ءتىلى ءالىپبيىن كيريلليتسادان لاتىن گرافيكاسىنا كوشىرۋ تۋرالى جارلىققا قول قويدى.

 اۆتور: الماس مۇقاش ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى