ا ق ش سولتۇستىك كورەياعا قارسى سانكسياسىن كەڭەيتتى
بۇل جولعى سانكسياعا سولتۇستىك كورەيانىڭ جەتى شەنەۋنىگى ەنگىزىلگەن. ا ق ش ولاردى ەلدەگى ادام قۇقىقتارىنىڭ بۇزىلۋىنا جاۋاپتى دەپ ەسەپتەيدى.
اتاپ ايتقاندا، سانكسياعا سولتۇستىك كورەيانىڭ اسكەري قاۋىپسىزدىك دەپارتامەنتىنىڭ باسشىسى، ەڭبەك ءمينيسترى جانە قۇرىلىس كومپانياسىنىڭ باسشىلارى ەنگەن. ا ق ش قارجى ءمينيسترى ستيۆەن منۋچين سولتۇستىك كورەيالىق اسكەريلەر ديسسيدەنتتەردىڭ ىزىنە تۇسۋگە سەبەپكەر دەيدى. سونىمەن بىرگە، ولار ەلدەرىنەن قاشىپ كەتكەن بوسقىنداردى ىزدەپ ءجۇرىپ، تۇتقىنداۋمەن اينالىسقان.
قازان ايىنىڭ سوڭىندا ا ق ش پرەزيدەنتى دونالد ترامپ ا ق ش- تىڭ سولتۇستىك كورەيانى يادرولىق قارۋدان باس تارتقىزۋ ارەكەتىنە رەسەي كەدەرگى كەلتىرىپ وتىر دەپ مالىمدەگەن. ب ۇ ۇ قاۋىپسىزدىك كەڭەسى قىركۇيەكتە سولتۇستىك كورەياعا قاتىستى سانكسيانى كۇشەيتكەن.
