امانگەلدى ايتالى: دىنگە ساتقىندىق جاساعان جىگىتتەر ۇلتقا دا ساتقىندىق جاسايدى
«ۇلتتى ۇستايتىن - ءدىن. قازىر باسپا ءسوز بەتىندە وسى ءدىندى نە ىستەرىمىزدى بىلمەي ءجۇرمىز. شي شىقپاسىن، ەكسترەميستەر بولماسىن دەگەننىڭ توڭىرەگىندە. نەگىزىندە، ءاليحان بوكەيحان العاشقى ءبىلىمدى اۋىل يمامدارىنان الدى. تەك ءاليحان ەمەس، الاشتىڭ كوپتەگەن قايراتكەرلەرى يمامداردان ساۋات اشقان. قازىرگى ءبىزدىڭ ساياسات قالاي بولعاندا دا بالالاردى مەشىتكە جولاتپاۋ بولىپ تۇر. بۇل دۇرىس ەمەس. بۋىنى قاتىپ كەتكەسىن ول بالالار دىنگە سالقىندىق جاسايدى، دىنگە سالقىندىق جاساعان كەزدە ۇلتقا سالقىندىق جاسايدى. كوپ جاعداي مەشىتتەگى يمامداردىڭ ۋاعىزدارىنا، اتا-انالارعا بايلانىستى بولىپ تۇر. بىزدەگى مەدرەسەنىڭ باسشىسىمەن سويلەستىم. وندا 9-11 بىتىرگەن بالالاردى الادى ەكەن. ونىڭ ايتۋىنشا، 11 بىتىرگەن بالالاردان گورى 9 سىنىپ بىتىرگەن بالالار يمامدىلىققا يكەمدى»، - دەيدى امانگەلدى ايتالى.
قوعام قايراتكەرى ەكسترەميستىك سيپاتتان قورقىپ، دىننەن بەزىپ كەتۋ قاۋپىنەن ساقتاندىردى. امانگەلدى ايتالى كوپ جاعدايدа بۇنى ءاليحان بوكەيحاننىڭ تىلىمەن ءتۇسىندىردى.
«ءاليحان بوكەيحانوۆ يماندىلىق پەن پاراساتتىلىقتىڭ دىنمەن بىرگە كەلەتىنىن ايتتى. ءدىن ۇلتتىڭ ءوزىنىڭ ۇلتتىق قاسيەتتەرىن ساقتاۋعا بىردەن ءبىر سەبەپ. دىننەن ايىرىلۋ ۇلتتىق قاسيەتتەن ايىرىلۋمەن بىردەي. بۇل سالادا ءبىزدى ويلاندىراتىن نارسەلەر ءالى كوپ. قانشا ءدىندى سىيلاساساق تا بۇعا بەرۋ قازاققا جاراسپايدى. تاريح قازاقتىڭ ءوزىنىڭ قولىندا. بۇگىنگى تاريح ەرتەڭگە ۇرپاققا ۇيرەتۋشى، جول كورسەتۋشى، بۇگىنگى ۇرپاققا كەشەگى بابالاردىڭ يگى ءىسى ۇلگى»، - دەدى امانگەلدى ايتالى.
