قۇرىلىسشىلار تاۋىپ العان كونە جەتىگەن اسپابى تۋرالى كينو تۇسىرىلۋدە - كەسكىن
«ساق» كينوستۋدياسىنىڭ ءتۇسىرىلىم توبى 6 ايدان بەرى وڭتۇستىك قازاقستاننىڭ كورىكتى، تاريحى تۇنعان جەرلەرىن تاسپالاپ ءجۇر.
وڭتۇستىك - تابيعاتى تاماشا، تاريحى باي تەڭدەسىز ءوڭىر. «ساق» كينوستۋدياسى كۇنگەيدىڭ سۇلۋ جەرلەرىن تۋىندى ارقىلى تانىتىپ، ناسيحاتتاماق. وقيعا جەلىسى بويىنشا، جول جوندەپ جۇرگەن ەكسكوۆاتورشى، ايىرىقشا ۇلگىدەگى قوراپتى تاۋىپ الادى. ىشىنەن جەتىگەن اسپابى شىعادى. الايدا، ونىڭ 7 اسىعى وڭتۇستىك ءوڭىردىڭ ءار تۇكپىرىندە جاسىرىلعان.
تۋىندىنىڭ ءتۇسىرىلىمى مامىر ايىندا باستالعان. شىعارماشىلىق توپتاعى 100 گە جۋىق ادام كينونىڭ ءساتتى شىعۋىنا تەر توگۋدە. جوباعا وبلىس قازىناسىنان 60 ميلليون تەڭگە ءبولىندى.
«كونە جەتىگەننىڭ سىرى» فيلمى العاشىندا 1,5 ساعاتقا ىقشامدالىپ، جەلتوقسان ايىندا كينوتەاترلاردا كورسەتىلەدى. كەيىننەن كولەمى 13 سەريالعا دەيىن ۇلعايتىلىپ، حالىققا وتاندىق ارنالاردان ۇسىنىلادى.
