قازاقستانداعى ۇشاقتاردىڭ ورتاشا جاسى بەلگىلى بولدى

 قازاقستانداعى نەگىزگى اۋە كومپانيالاردىڭ 56 اۋە كەمەسىنىڭ ورتاشا جاسى 12,8  جىلدى كورسەتكەن. اتاپ ايتقاندا، Air Astana اۋە كومپانياسىنىڭ 31 ۇشاعىنىڭ ورتاشا جاسى - 8  جىل. سكات كومپانياسىنىڭ 13 ۇشاعىنىڭ ورتاشا جاسى 17  جىل ەكەنى انىقتالسا، بەك Air ساپىنداعى 9 ۇشاقتىڭ جاسى 20  جىل ەكەنى بەلگىلى بولىپ وتىر. Qazaq Air- دىڭ 3 ۇشاعىنىڭ ورتاشا جاسى - 3  جىل. «ايتا كەتەرلىگى، شەتەلدەگى اۆياقۇرىلىمنىڭ قازىرگى تاجىريبەسىندە ورتاق رەسۋرستىڭ شەكتەلۋىنەن تىس «جاعدايى بويىنشا پايدالانۋ» جولى قابىلدانعان. قازىرگى تاڭدا قۇراۋشىلار تەحنيكالىق قىزمەت كورسەتۋدىڭ وسى باعدارلاماسىن ءجون كورىپ وتىر. بۇل ۇشاقتىڭ قۇرىلىمدىق جاي- كۇيى مەن اگرەگاتتى عۇمىر بويى باقىلايدى. ولقىلىقتار انىقتالعان جاعدايدا جوندەۋ جۇمىستارىنىڭ اتالعان تۇرلەرى قولدانىلادى» ، - دەلىنگەن كوميتەتتىڭ رەسمي سايتىندا.

اۆتور: ايان بەكەن ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى