وڭتۇستىك قازاقستاندا تاۋدا بەس تاۋلىك بويى جوعالىپ كەتكەن تۇرعىننىڭ ءولى دەنەسى تابىلدى
وبلىستىق توتەنشە جاعدايلار قىزمەتىنىڭ مالىمەتىنشە، 26 جاستاعى جىگىتتىڭ ءمايىتى تەكە قامال تاۋ شاتقالىنان تابىلعان، دەپ حابارلايدى قازاقپارات ءتىلشىسى.
بەلگىلى بولعانداي، تۇلكىباس اۋدانىندا تاۋعا شىعامىن دەپ بارعان جىگىت دوستارىنان اداسىپ قالعان. كەيىننەن قۇتقارۋشىلاردى شاقىرتقان ساياحاتشىلار جىگىتتىڭ قاي جەردە بولۋى مۇمكىن ەكەنىن ايتىپتى. الايدا ىزدەۋ شارالارى بارىسىندا قۇتقارۋشىلار ءمايىتتىڭ باسقا جەردە جاتقانىن انىقتاعان.
ەسكە سالايىق، سايرام اۋدانىنا قاراستى قارابۇلاق اۋىلىنىڭ تۇرعىنى 20 -قازاندا ءىز-ءتۇزسىز جوعالىپ كەتكەن بولاتىن. ونى ىزدەۋگە وڭىرلىك توتەنشە جاعدايلار قىزمەتكەرلەرى يەن قوعامدىق ۇيىم وكىلدەرى جانە ءتارتىپ ساقشىلارى جانە 300 گە تارتا جەرگىلىكتى تۇرعىن تارتىلعان ەدى. الايدا ىزدەۋ شارالارى ناتيجە بەرمەگەن.
