وسال تۇستارى كوپ ەڭ سەنىمسىز كولىكتەردىڭ رەيتينگى جاسالدى

ءتىزىمدى Consumer Reports پورتالى جاساعان. ەڭ سەنىمسىز كولىكتەردى انىقتاۋ ءۇشىن 640 مىڭنان استام امەريكالىق جۇرگىزۋشى اراسىندا ساۋالناما جۇرگىزىلدى.

امەريكالىقتار Chevrolet Camaro كولىگىندە ترانسميسسيا، ماشينانى جۇرگىزەتىن مەحانيزم مەن ەلەكتر پروبلەماسى ءجيى بولىپ تۇراتىنىن ايتتى.

بۇدان كەيىنگى ورىندا - Mercedes-Benz GLC. بۇل كولىكتەردە، كوبىنەسە، تەجەگىش جۇيەسىندە، ءرولى مەن اسپاسىندا اقاۋ شىعاتىن كورىنەدى. امەريكالىقتاردىڭ كوڭىلى تولمايتىن تاعى ءبىر ماركا - Jaguar F- Pace. بۇل اۆتوكولىكتەردىڭ دە ترانسميسسيا مەن ەلەكتر جۇيەسى ءجيى بۇزىلىپ، سالوندا شۋ بولادى ەكەن.

بۇعان قوسا Tesla Model X ەلەكترلى كروسسوۆەرى دە وسى رەيتينگكە كىردى. جۇرگىزۋشىلەر كولىكتىڭ وسال تۇستارى رەتىندە بوياۋ، ارلەۋ، كليماتتىق جۇيە مەن كۋزوۆ ەلەمەنتتەرىن كورسەتكەن.

«انتيرەيتينگ» وندىعىنا GMC Acadia جول تالعامايتىن كولىگى، Fiat 500 حەتچبەگى، Ford Focus پەن Ford Fiesta, سونداي-اق Volvo XC90 مەن Cadillac Escalade كىردى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى