قازاقستانداعى ەڭ قايىرىمدى جانداردىڭ ەسىمدەرى بەلگىلى بولادى
«التىن جۇرەك» ۇلتتىق قوعامدىق سىيلىعى 11 جىل قاتارىنان «مەيىرىمدىلىك» اتتى اسىل قاسيەتتىڭ كۇندەلىكتى ءومىرىنىڭ ءبىر بولىگىنە اينالعان جانداردى ىزدەپ، ماراپاتتايدى. وسىلايشا، جىل سايىن ەڭ مەيىرىمدى سىيلىق ءداستۇرلى تۇردە قوعامنىڭ ومىرىندە ەرەكشە ورىنعا يە.
وسىلايشا، جىل سايىن «التىن جۇرەك» سىيلىعى ءداستۇر بويىنشا حالىققا 11 نوميناتسيا بويىنشا بەرىلىپ، ولاردىڭ يگى ىستەرى قوعامنىڭ ومىرىندە مەيىرىمدىلىك پەن گۋمانيزمنىڭ ۇلكەن ءرول اتقاراتىندىعىن دالەلدەيدى. «التىن جۇرەك» ۇلتتىق سىيلىعىنىڭ ۇيىمداستىرۋشىلارى 11 جىل قاتارىنان ەلىمىز بويىنشا ناعىز مەيىربان، جانى جومارت جانداردى ىزدەپ كەلەدى. «قايىرىمدىلىق» سىندى اسىل قاسيەتتى بويلارىنا سىڭىرگەن التىن جۇرەكتەرگە العىس ايتىپ ەل الدىندا ماداقتاپ، ماراپاتتاپ كەلە جاتقان ەلىمىزدەگى جالعىز ماراپات.
بيىلعى جىلى دا قازاقستاننىڭ ەڭ مەيىربان سىيلىق يەگەرلەرىن سالتاناتتى ماراپاتتاۋ ءراسىمى 27 - قازان اباي اتىنداعى اكادەميالىق وپەرا جانە بالەت تەاترىندا وتەدى.
وسى جىلعى ۇلتتىق سىيلىق نومينانتتارى قاتارىندا ورال قالاسىنىڭ تۇرعىنى ءبىرجان قوجاقوۆ سەرەبرالدى سال اۋرۋىمەن اۋىراتىن ناۋقاستاردى وڭالتۋعا ارنالعان ۆەرتيكاليزاتور- تەحنيكالىق قۇرال- جابدىقتار جاساپ ارنايى وڭالتۋ مەكەمەلەرىنە تەگىن تاراتادى. قازىر ءبىرجاننىڭ جەتەكشىلىگىمەن بىرنەشە مۇمكىندىگى شەكتەۋلى ونداعان ادام جۇمىسپەن قامتىلىپ يگى ىستەر قاتارىن جىل ساناپ ارتتىرىپ كەلەدى. سونداي- اق، ۇزدىكتەر قاتارىنان «28 پەتەل» كلۋبى، 25 بالانىڭ اناسى اتانعان ەكىباستۇز قالاسىنىڭ تۇرعىنى ەكاتەرينا ياتسەنكونى اتاپ وتسەك. تانىمال ساياساتتانۋشى دوسىم ساتپايەۆ پەن اتىمتاي جومارت مەتسەناتتار قاتارىندا نۇرلان سماعۇلوۆ پەن باۋرجان وسپانوۆ تا بار. «قازاقستاننىڭ وركەندەۋىنە قوسقان ۇلەسى ءۇشىن» نوميناتسياسى بويىنشا تاراز قالاسىندا بالالار ءۇيىن اشىپ، بىرنەشە جىلدار بويى جالعىزباستى انالارعا جانە جەتىم بالالارعا قولداۋ كورسەتىپ كەلە جاتقان امەريكاندىق ۆيكتوريا شاربونە مەن ەليزابەت تۋرنوك ەسىمدەرى ەرەك.
