بيىل جەلىدە جالعان اككاۋنت ارقىلى ءتىل تيگىزگەن قانشا ادام سوتتالدى؟
بۇل تۋرالى ق ر باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتى رەداكتسيانىڭ رەسمي ساۋالحاتىنا بەرگەن جاۋابىندا ايتتى. سونىمەن، كوميتەت وكىلدەرىنىڭ مالىمەتىنشە، ەلىمىزدە جىل باسىنان بەرى ق ر ق ك-نىڭ 131-بابى («قورلاۋ») بويىنشا قۇقىقبۇزۋشىلىق جاساعانى ءۇشىن بارلىعى 89 ادام سوتتالعان (ونىڭ ىشىندە 131-بابىنىڭ 1-بولىگى بويىنشا - 64، 131-بابىنىڭ 2-بولىگى بويىنشا - 25) (زاڭدى كۇشىنە ەنگەن ۇكىمدەرى بويىنشا).
«857 تۇلعاعا قاتىستى كورسەتىلگەن بابى بويىنشا قىلمىستىق ىستەر قىسقارتىلعان (زاڭدى كۇشىنە ەنگەن قاۋلى بويىنشا)، ونىڭ ىشىندە: ق ر ق ك-نىڭ 131-بابىنىڭ 1-بولىگى بويىنشا 602، ق ر ق ك-نىڭ 131-بابىنىڭ 2-بولىگى بويىنشا 106 تۇلعاعا قاتىستى اقتايتىن نەگىزدەر بويىنشا؛ ق ر ق ك-نىڭ 131-بابىنىڭ 1-بولىگى بويىنشا 16، ق ر ق ك- نىڭ 131-بابىنىڭ 2-بولىگى بويىنشا 3 تۇلعاعا قاتىستى راقىمشىلىق جاسالدى؛ ق ر ق ك- نىڭ 131-بابىنىڭ 1-بولىگى بويىنشا 109، ق ر ق ك- نىڭ 131-بابىنىڭ 2-بولىگى بويىنشا 19 تۇلعاعا قاتىستى تاراپتاردىڭ تاتۋلاسۋىمەن؛ ق ر ق ك- نىڭ 131-بابىنىڭ 2-بولىگى بويىنشا 19 تۇلعاعا قاتىستى باسقا نەگىزدەر بويىنشا»، - دەلىنگەن ۆەدومستۆونىڭ رەسمي جاۋابىندا.
ال ق ر ىشكى ىستەر مينيسترلىگىنىڭ وكىلدەرى ءوز كەزەگىندە ينتەرنەتتەگى ءتىل تيگىزۋ دەرەكتەرىن انىقتاۋ ق ر «جەدەل- ىزدەستىرۋ قىزمەتى تۋرالى»، «قىلمىستىق- پورتسەستىك كودەكس» جانە باسقا دا قولدانىستاعى زاڭناماعا سايكەس جۇرگىزىلەتىنىن مالىمدەدى. «جالپى شەتەلدىڭ الەۋمەتتىك جەلىلەرى ۇلكەن تانىمالدىققا يە. اتالعان الەۋمەتتىك جەلىلەردى پايدالانۋشىلار جالعان پاراقشالاردى تىركەپ، كوبىنەسى وزدەرىن جاسىرادى. ولاردىڭ قۇقىق بۇزۋشىلىقتارىن انىقتاۋ قازاقستان رەسپۋبليكاسىنىڭ «جەدەل- ىزدەستىرۋ قىزمەتى تۋرالى»، «قىلمىستىق- پورتسەستىك كودەكس» جانە باسقا دا قولدانىستاعى زاڭناماعا سايكەس جۇرگىزىلەدى»، - دەلىنگەن مينيسترلىكتىڭ ساۋالحاتقا بەرگەن جاۋابىندا.
الايدا، ايتۋلارىنشا، بۇل قۇقىقبۇزۋشىلىقتاردى انىقتاۋ ادىستەمەسى قىزمەتتىك اقپاراتقا جاتاتىندىقتان، بۇل ادىستەمە تۋرالى اقپاراتتى بەرۋ مۇمكىن ەمەس. ەسكە سالايىق، مۇنىڭ الدىندا ق ر ىشكى ىستەر ءمينيسترى قالمۇحانبەت قاسىموۆ عالامتور ارقىلى ءتىل تيگىزىپ، جالا جاباتىن انونيم پىكىر بىلدىرۋشىلەردى قالاي جازالاۋعا بولاتىنىن ايتىپ بەرگەن ەدى. بۇل جايلى مينيستر ەلەكتروندى ۇكىمەت سايتىنداعى «اشىق ديالوگ» بولىمىندە قويىلعان سۇراققا بەرگەن جاۋابىندا ايتقان بولاتىن.
«مۇنداي قۇقىق بۇزۋشىلىق ءۇشىن 200 ا ە ك تۇرىندە ايىپپۇل، نە وسى كولەمدە تۇزەتۋ جۇمىستارى، نە 180 ساعات قوعامدىق جۇمىس تۇرىندە جازالار قاراستىرىلعان. قازىرگى كەزدە ىشكى ىستەر ورگاندارى جالعان اككاۋنت ارقىلى تىركەلگەن جەلى قولدانۋشىلارىن انىقتاۋعا بولاتىنداي تەحنيكالىق مۇمكىندىكتەرگە يە. ءبىرقاتار جاعدايدا حالىقارالىق كەلىسىم نەگىزىندە شەتەلدىك قۇقىق قورعاۋ ورگاندارىنا سۇرانىس جولدانادى. سونىمەن بىرگە، قىلمىستىق پروتسەسستىك كودەكستىڭ 32-بابىنا سايكەس، قىلمىستىق قۇقىقبۇزۋشىلىق ق ر ق ك- ءنىڭ 131-بابىمەن سوتتا قارالاتىن دەربەس سيپاتتاعى ىستەر قاتارىنا كىرەدى. ىشكى ىستەر ورگاندارىنا مۇنداي ارىزدار تۇسكەن جاعدايدا قىلمىستىق پروتسەستىك كودەكستىڭ 179-بابىنىڭ 2-تاراۋى بويىنشا ءىس سوتقا جولدانادى. دالەلدەردى جيناۋ، زەرتتەۋ جانە وزگە دە پروتسەستىك ءىس- ارەكەتتەر تىكەلەي سوتقا قاراستى»، - دەپ جاۋاپ بەرگەن ەدى مينيستر قاسىموۆ.
Tengrinews.kz
