ت م د جانە بالتىق ەلدەرىندە جۇك ۆاگوندارىن پايدالانۋ تاريفتەرى تومەندەيدى
بيىل 25 جىلدىعىن اتاپ وتكەن بۇل كەڭەس 18 ەلدىڭ تەمىرجول جۇمىسىن ۇيلەستىرۋمەن اينالىسادى. ريگاداعا كەزدەسۋگە وسى ۇيىمعا مۇشە بارلىق مەملەكەتتەردىڭ وكىلدەرى قاتىستى. اراسىندا قازاقستانمەن قوسا رەسەي، بەلارۋس، يران، فينليانديا تەمىرجول اكىمشىلىگىنىڭ باسشىلارى دا بار.
تاراپتار ورتاق تاريفتىك ساياسات قۇرۋ، ينفراقۇرىلىمدى جاقسارتۋ، جولاۋشىلار تاسىمالىن دامىتۋ، جاڭا كونتەينەرلىك جانە جولاۋشىلار پويىزىن ىسكە قوسۋ سەكىلدى وزەكتى ماسەلەلەردى تالقىلادى. ءسويتىپ باسقوسۋ قورىتىندىسى بويىنشا كەلەسى جىلدىڭ جۇمىسىن رەتتەيتىن حاتتاماعا قول قويىلدى.
ولەگ بەلوزەروۆ، «روسسييسكيە جەلەزنىە دوروگي» ا ا ق پرەزيدەنتى:
- كەڭەس وتىرىسىندا 2017 -جىلدىڭ 10- جەلتوقسانىنان باستاپ حالىقارالىق پويىزدار قوزعالىسىنىڭ ءبىرىڭعاي كەستەسىن ىسكە قوسۋ تۋرالى شەشىم بەكىتىلدى. وتىرىستا جۇك ۆاگوندارى پاركىن باسقارۋدىڭ جاڭا ۇلگىسىنە قاتىستى ماڭىزدى سۇراقتار دا قاراستىرىلدى. تەمىرجول باسشىلارى جۇك ۆاگوندارىن پايدالانۋ تاريفتەرىن تومەندەتۋ تۋرالى دا ۋاعدالاستى. بۇل ماسەلە 2009 -جىلدان بەرى شەشىمىن تاپپاي كەلگەن ەدى.
پەتر كۋچەرەنكو، ت م د مۇشە ەلدەردىڭ تەمىرجول كولىگى بويىنشا كەڭەس ديرەكسياسىنىڭ ءتوراعاسى:
- بىلتىر جۇك ۆاگوندارىن پايدالانۋ تاريفتەرى 26 پايىزعا تومەندەگەن. ءسويتىپ 2018 -جىلدىڭ 1 - مامىرىنان باستاپ وزگە مولشەرلەمەلەر قولدانىلاتىن بولادى. بۇل شەشىم قازاقستان تەمىرجولى وكىلدەرىنىڭ دە كوڭىلىنەن شىقتى. كەڭەستىڭ ريگاداعى وتىرىسى اياسىندا ەلىمىزدىڭ دەلەگاتسياسى ەكىجاقتى كەزدەسۋلەر وتكىزىپ ۇلگەردى.
سانجار ەلۋبايەۆ، «قازاقستان تەمىر جولى» ۇ ق» ا ق ۆيتسە- پرەزيدەنتى:
- قازاقستان تاراپىنان ءبىز وزىمىزگە جۇكتەلگەن مىندەتتەردى ارتىعىمەن ورىندادىق. يران، لاتۆيا، ليتۆا جانە ەستونيانىڭ تەمىرجول اكىمشىلىكتەرىمەن ەكىجاقتى كەزدەسۋلەر وتكىزدىك. ارى قاراي ارەكەت ەتۋ جوسپارى دايىندالدى. جالپى، بارلىق كەزدەسۋلەر مەن كەڭەس وتىرىسى ءساتتى ءوتتى دەپ ويلايمىن.
ريگاداعى باسقوسۋدا تۇراقتى تۇردە حالىقارالىق جولاۋشىلار فورۋمىن وتكىزىپ وتىرۋ تۋرالى كەلىسىمگە دە قول جەتكىزىلدى. وسىنداي العاشقى فورۋم ەكسپو كورمەسى كەزىندە قىركۇيەكتە استانادا وتكەن ەدى. ەكىنشىسىن كەلەسى جىلى رەسەيدە ۇيىمداستىرۋ جوسپاردا بار. ال ت م د- عا مۇشە ەلدەردىڭ تەمىرجول كولىگى بويىنشا كەڭەسىنىڭ كەلەسى وتىرىسى 2018 -جىلدىڭ مامىرىندا قىرعىزستاندا ءوتۋى ءتيىس.
www.24.kz
