شىمكەنتتە بانك توناۋشى جالداپ تۇرعان ءۇيدىڭ يەسى جازالاندى
ەر ادام ۇرلاعان اقشاسىن پاتەردە ساقتاماعان، باسقا بانككە اپارىپ سالعان. ۇستالعان كەزدە ودان 400 مىڭ تەڭگە تابىلعان. قالعانى بانكتە بولعانى انىقتالعان.
ول 1961-جىلى تۋعان شىمكەنت قالاسىنىڭ تۇرعىنىنىڭ پاتەرىن ءبىر جىلداي جالداپ تۇرعان.
ايەل ادامعا ق ر ا ك 492-بابى بويىنشا (ق ر اۋماعىندا جەكە كۋالىكسىز تۇرۋ) 5 ا ە ك كولەمىندە ايىپپۇل سالىندى.
ەسكە سالا كەتەيىك، ەر ادام 13- قازان كۇنى كاسپي بانكتىڭ شىمكەنت قالاسىنداعى بولىمشەسىنە قاراقشىلىق شابۋىل جاساعان.
قىلمىس بارىسى باقىلاۋ كامەراسىنىڭ نىساناسىنا ىلىككەن. باسقىنشى بانك عيماراتىنىڭ نەگىزگى كىرە بەرىس ەسىگىنەن ەركىن كىرگەن. بەتىن ماتا بەتپەردەمەن تۇمشالاپ العان ول «جارىلعىش پاكەتكە» ۇقساس زاتتى ەدەنگە لاقتىرىپ، اتالعان زات تۇتىندەي باستاعان كەزدە بانك قىزمەتكەرلەرىن بالتامەن قورقىتىپ، ۇلتتىق جانە شەتەلدىك ۆاليۋتاداعى كولەمدى قاراجاتتى العان.
وسىدان كەيىن ول قىلمىس ورنىنان بوي تاسالاعان. بۇعان دەيىن ق ر ءى ءى م مەملەكەتتىك ءتىل جانە اقپارات دەپارتامەنتىنىڭ ديرەكتورى الماس سادۋبايەۆ حابارلاعانداي، كۇدىكتىنىڭ تۇرعىلىقتى مەكەن جايىنان ۇرلانعان اقشانىڭ ءبىراز بولىگى، سومكە، قولعاپ جانە جاسالعان قىلمىسقا ونىڭ قاتىسى بار ەكەندىگىن دالەلدەيتىن وزگە دە زاتتاي ايعاقتار تابىلىپ، تاركىلەندى.
وسى ىسكە قاتىستى تەرگەۋ جالعاسۋدا. اتالعان فاكتى بويىنشا ق ر قىلمىستىق كودەكسىنىڭ «قاراقشىلىق» 192- بابى 4- تارماعى بويىنشا قىلمىستىق ءوندىرىس اشىلدى. سوتقا دەيىنگى تەرگەۋ امالدارى اياسىندا جاسالعان قىلمىستىڭ بارلىق ءمان-جايى انىقتالىپ، كۇدىكتىنىڭ باسقا دا ورىن العان قىلمىستارعا قاتىستىلىعى تۋرالى مالىمەتتەر تەكسەرىلۋدە.
