قازاقستاندىقتار ءۇشىن تۇڭعىش رەت گەنومدىق ءتولقۇجات الۋ مۇمكىندىگى تۋدى - كەسكىن
بۇل تۋرالى حابار 24 حابارلايدى.
ول ءتولقۇجات ارقىلى ءسىز ونە بويىڭىزداعى بارلىق اۋرۋلاردى الدىن الا ءبىلىپ قانا قويماي، سىزگە قانداي ءدارى-دارمەك كەرەك ەكەنىن، ءتىپتى تەرىڭىزدىڭ قارتايۋ دەڭگەيىن انىقتاۋعا بولادى. جىل جاڭالىعىنا اينالعان بۇل جوبا قازاقستاندا تۇڭعىش رەت اشىلعان.
- مىنا قۇتىعا ادامنان الىنعان بيوماتەريال قۇيىلادى. ول قان نەمەسە سىلەكەي بولۋى مۇمكىن. سودان كەيىن ارنايى اپپاراتقا سالىپ، سكانەرلەپ، د ن ق ناتيجەسىن بىلەدى.
اتا-بابامىز ەجەلدەن جەتى اتاعا ءبولىپ، قان تازالىعىن ساقتاۋدى ءجيى ايتاتىن. سەبەبى ۇرپاق تاربيەسى - ۇلت بولاشاعى. كەزىندە ايتىپ كەتكەن دانا حالىقتىڭ سوزدەرى بۇگىندە ىسپەن دالەلدەنۋدە. ەلىمىزدە العاش رەت تاپسىرعان قان ارقىلى دەنساۋلىعىڭىزدى، ءتىپتى بولاشاق سابيىڭىزگە قاتىستى مالىمەتتەردى بىلە الاسىز.
«مىسالى مىناۋ ايەلدەردى ايتساق، بولاشاقتا انا. بولاشاقتا كەلەتىن ۇرپاقتا قانداي اۋرۋلار بولۋى مۇمكىن؟ سونداي كوپ ماسەلەلەردى الدىن الا بولجاۋعا بولادى»، - دەيدى ۇلتتىق بيوتەحنولوگيا ورتالىعى باس ديرەكتورىنىڭ ورىنباسارى قاسەن مۇقانوۆ.
گەنوميكا دەگەن سالا العاش رەت دۇنيەجۇزىندە ادام اعزاسىن 2001 -جىلى زەرتتەگەن. وسىلايشا اراعا ۇزاق جىلدار سالىپ، ەلىمىزدە دە قولدانىسقا ەندى. بىزدەگى جوبانىڭ تيىمدىلىگى 3 كۇن ىشىندە قولىڭىزعا قۇجاتتى الا الاسىز. ەۋروپا، ا ق ش جانە جاپونيادا جاسالىنعان جوعارى تەحنولوگيالىق قۇرال-جابدىقتار ۋاقىت قاشىقتىعىن ۇنەمدەۋگە قابىلەتتى. سونىمەن قاتار ءۇي جانۋارلارىنا دا گەنەتيكالىق ءتولقۇجات الۋعا بولادى.
«اسىل تۇقىمدى جانۋارلارعا جىلقىعا بولسىن، ءىرى-قارا مالعا ءتولقۇجات وتە قاجەت. الىنعان ءتولدىڭ اكە-شەشەسى كىم ەكەنىن انىق ءبىلۋ كەرەك. اسىل تۇقىمنىڭ بولاشاعى سىندى كۇللى اقپارات سوندا بولادى»، - دەيدى ۇلتتىق بيوتەحنولوگيا ورتالىعى باس ديرەكتورىنىڭ ورىنباسارى قاسەن مۇقانوۆ.
عالىمدار العاشقى تاپسىرىس بەرۋشىنى قابىلداۋعا دايىن. گەنومدىق قۇجاتتىڭ باعاسى 6 مىڭ تەڭگە شاماسىندا. ماماندار كەلەشەكتە كوسمەتولوگتار، سونداي-اق انا مەن بالا ۇلتتىق عىلىمي ورتالىعىمەن بىرلەسىپ جۇمىس جاساماق.
