بۇرىنعى فۋتبولشى گرۋزيا استاناسىنىڭ مەرى اتاندى

جەكسەنبىدە گرۋزيانىڭ ورتالىق سايلاۋ كوميسسياسى 727 سايلاۋ ۋچاسكەسىنىڭ بارلىعىنان جينالعان بيۋللەتەندەردى ساناپ شىعىپ، وسىلاي مالىمدەمە جاسادى، دەپ حابارلايدى تاسس.

ەكىنشى ورىندى تاۋەلسىز كانديدات الەكو ەليساشۆيلي (%17,46 داۋىس) الدى، «ءبىرىڭعاي ۇلتتىق قوزعالىس» پارتياسىنان شىققان زاال ۋدۋماشۆيلي (%16,53) ءۇشىنشى ناتيجە كورسەتكەن.

1,2 ميلليون تۇرعىنى بار گرۋزين استاناسىنىڭ باسشىسى بولۋعا 13 ادام ءۇمىت بىلدىرگەن.

كاحا كالادزە 1978 -جىلعى 27 -اقپاندا گرۋزيا باتىسىنداعى سامترەديا قالاسىندا جەرگىلىكتى «لوكوموتيۆ» كلۋبىنىڭ كاپيتانى كارلو كالادزە وتباسىندا دۇنيەگە كەلگەن. 1995-1997 -جىلدارى تبيليسيدىڭ «دينامو»، 1998-2000 -جىلدارى كيەۆتىڭ «دينامو» كوماندالارىندا، 2001 -جىلدان 2010 -جىلدىڭ مامىرىنا دەيىن يتاليانىڭ «ميلان» كلۋبى ساپىندا ونەر كورسەتكەن. «ميلان» قۇرامىندا ەكى رەت ەۋروپا چەمپيوندار ليگاسىنىڭ جەڭىمپازى بولدى، بەس رەت گرۋزيانىڭ ۇزدىك فۋتبولشىسى اتاندى.

كالادزە 2012 -جىلدىڭ قازانىنان وسى كەزگە دەيىن گرۋزيا ەنەرگەتيكا ءمينيسترى لاۋازىمىن اتقارىپ كەلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى