الەمدەگى ەڭ قاۋىپتى قالالار رەيتينگى جاريالاندى
رەيتينگ ناتيجەسى بويىنشا پاكىستاننىڭ كاراچي قالاسى كوش باستاپ تۇر.
ەڭ قاۋىپتى قالالار رەيتينگى قاۋىپسىزدىك شارالارىنىڭ از بولۋى، دەنساۋلىق پەن ينفراسترۋكتۋرا قاۋىپسىزدىگى سەكىلدى تالاپتار بويىنشا تۇزىلگەن.
كاراچي - پاكىستاننىڭ وڭتۇستىگىندەگى پورتتى قالا. الەمدەگى ەڭ ءىرى قالالار كوشىندە العاشقى وندىققا ەنەدى.
رەيتينگتە ەكىنشى ورىنعا ميانمانىڭ يانگون قالاسى ورنالاسقان.
ءۇشىنشى ورىنعا بانگلادەش استاناسى داككا ەنگەن.
سونداي-اق العاشقى وندىقتا دجاكارتا (يندونەزيا)، حوشيمين (ۆەتنام)، مانيلا (فيليپپين)، كاراكاس (ۆەنەسۋەلا)، كيتو (ەكۆادور)، تەگەران (يران) مەن كاير (مىسىر) قالالارى بار.
الەمدەگى ەڭ قاۋىپسىز قالا رەتىندە جاپونيا ەلىنىڭ استاناسى توكيو تانىلعان.
ەكىنشى ورىندا - سينگاپۋر، ءۇشىنشى ورىنعا وساكا قالاسى ورنالاسقان.
ايتا كەتەيىك، ءساۋىر ايىندا الەمدەگى ەڭ ءقاۋىپتى ەلدەر رەيتينگى جاريالانعان بولاتىن. مۇندا كولۋمبيا ەلى قاۋىپتى دەپ اتالعان. يەمەن مەن سالۆادور ۇشتىككە ەنگەن ەدى.
