استانادا بالالار اراسىندا العاشقى پاراليمپيادالىق ويىندار باستالدى
ويىندارعا ەلىمىزدىڭ اقمولا، الماتى، قوستاناي، پاۆلودار وبلىستارى مەن استانا قالاسىنان 120 سپورتشى قاتىسۋدا.
12 دەن 18 جاستاعى ورەندەر سپورتتىڭ بەس ءتۇرى بويىنشا (ۆولەيبول، شاحمات، قوڭىراۋمەن جۇگىرۋ، ءجۇزۋ جانە اربادا تاڭىلعاندار اراسىندا جۇرگىزىلەتىن ءبي سايىستارى) باقتارىن سىناۋدا.
ۇيىمداستىرۋشىلاردىڭ سوزدەرىنشە، ەلىمىزدە ەستۋ قابىلەتى ناشار بالالار اراسىندا ۆولەيبولدان، كورۋ قابىلەتى ناشار جاسوسپىرىمدەر اراسىندا قوڭىراۋمەن جۇگىرۋدەن، مەنتالدىق وزگەرىستەرى بار بالالار اراسىندا شاحماتتان پاراليمپيادالىق جارىستار بۇدان بۇرىن وتكىزىلمەگەن.
بۇگىنگى ويىنداردىڭ بىرەگەيلىگى - وسىندا. سپورتشىلاردىڭ ونەرىن الەم چەمپيوندارى، سپورت شەبەرلەرى، سپورتتىق بيدەن قازاقستان فەدەراتسياسىنىڭ مۇشەلەرى باعالايتىن بولادى.
ايتا كەتۋ كەرەك، اتالمىش سپورت تۇرلەرىنەن پاراليمپيادالىق ويىندار كەلەسى جىلدان باستاپ رەسپۋبليكالىق دەڭگەيدە ءداستۇرلى تۇردە وتكىزىلمەك.
