قوستانايدا كوكپار كورەرمەنسىز ءوتتى - فوتو
زارەچنىيداعى «قازانات» يپپودرومىندا سارىكول، تاران، قوستاناي، قارابالىق اۋداندارىنىڭ سايگۇلىكتەرى ون شاقىرىمدىق الامان بايگەنىڭ جۇلدەسىنە تالاستى.
ماۋسىمنىڭ جابىلۋىنا سونداي-اق رەسەيلىك شاباندوزدار دا قاتىستى. اۋىزدىعىمەن الىسقان الۋان جۇيرىكتىڭ اراسىنان بايگەنىڭ كومبەسىنە ءبىرىنشى بولىپ رەسەيدىڭ اتى جەتتى.
ەكىنشى جانە ءۇشىنشى ورىنداردى قوستاناي اۋدانىنىڭ قوس سايگۇلىگى ەنشىلەدى. باستاپقىدا بەلگىلەنگەن 16 شاقىرىمدىق الامان بايگە مەن 8 شاقىرىمدىق توق بايگە وتكەن جوق.
وعان قاتىسۋشىلاردىڭ ازدىعى سەبەپ بولدى. ال كوكپارعا تاران مەن سارىكول اۋداندارىنىڭ جانە وبلىستىق ىشكى ىستەر باسقارماسىنىڭ كومانداسى ءتۇستى.
بۇل سىندا و ءى ءى ب كومانداسى جۇلدەنى ەشكىمگە ۇستاتپادى. جۇلدەگەرلەردىڭ بارلىعىنا اقشالاي سىيلىقتار مەن گراموتالار بەرىلدى. باسىلىمگىڭ جازۋىنشا، الدىن الا حابارلاندىرۋ بولماعاندىقتان اتجارىستى كورۋگە ساناۋلى عانا ادام جينالعان. ونىڭ ۇستىنە، بايگەگە دەمەۋشىلىك ەتۋگە قۇلىق تانىتقاندار بولماعانى كورىنىپ تۇردى.
