الماتى وبلىسىندا ادام ۇرلاعان قىلمىستىق توپ ۇستالدى
جۋىردا تالعار اۋداندىق ىشكى ىستەر بولىمىنە الماتى قالاسىنىڭ تۇرعىنى حابارلاسىپ، بەلگىسىز بىرەۋلەر باۋىرىن ۇرلاپ، 500 مىڭ تەڭگە تالاپ ەتىپ وتىرعانىن ايتقان. سونداي-اق ول سۇراعان اقشالارىن تاپقانىن جانە ونى اپارىپ بەرۋ ءۇشىن شىعىپ بارا جاتقانىن ەسكەرتكەن.
كەيىن ول باۋىرىن ۇرلاعانداردىڭ بىرىنە 450 مىڭ تەڭگە اپارىپ بەرگەن. اقشا قولىنا تۇسە سالىسىمەن كۇدىكتى كوپ قاباتتى ۇيلەردىڭ اۋلاسىنا جاسىرىنعان. اتالمىش فاكتى بويىنشا جەدەل-ىزدەستىرۋ شارالارى جۇرگىزىلىپ، پوليتسەيلەر كوپ ۇزاماي قىلمىستىق توپتى قولعا ءتۇسىردى.
تۇتقىنداۋ بارىسىندا ولاردان 450 مىڭ تەڭگە تابىلدى. جەدەل وپەراتسيا بارىسىندا ەش جەردە جۇمىس ىستەمەيتىن 21 مەن 27 جاس ارالىعىنداعى وڭتۇستىك قازاقستان وبلىسىنىڭ 5 ازاماتى ۇستالدى. قازىرگى تاڭدا ق ر ق ك 125-بابى ياعني، ادام ۇرلاۋ فاكتىسى بويىنشا تەرگەۋ امالدارى جۇرگىزىلۋدە.
اۆتور: سامال قابىشەۆا
