تەمىرجولمەن ەكسپورتتالاتىن استىق كولەمى بەلگىلى بولدى

 «مينيسترلىك تەمىرجول كولىگىمەن كومىر جانە استىق، سونداي- اق وزگە دە الەۋمەتتىك ماڭىزى بار جۇكتەر تاسىمالىنا ايرىقشا نازار اۋدارىپ وتىر. بۇگىندە اشىق ۆاگوندار پاركى 50 مىڭعا جۋىق. جىلۋ بەرۋ ماۋسىمىنا دايىندىق اياسىندا (2017 -جىلدىڭ مامىرىنان باستاپ) 31 ميلليون توننادان استام كومىر تاسىمالداندى، بۇل ءوز كەزەگىندە جوسپارلى كولەمنىڭ 98 پايىزى»، - دەيدى د. پوتلوۆ ينۆەستيتسيالار جانە دامۋ مينيسترلىگىندە وتكەن باسپا ءسوز ءماسليحاتىندا.

ونىڭ سوزىنە قاراعاندا، استىق تاسىمالىنىڭ شارالارى قىزۋ ءجۇرىپ جاتقان كەزەڭدە جىلجىمالى قۇرامنىڭ جەتىسپەۋى بايقالۋى مۇمكىن.

«بۇگىندە استىقتى تاسىمالداۋعا شامامەن 10 مىڭ ۆاگون جۇمىلدىرىلعان. ولار ايىنا 1 ميلليون توننا استىق تاسىمالداۋدى قامتاماسىز ەتەدى»، - دەدى كوميتەت وكىلى.

 قازىرگى كەزدە اۋىل شارۋاشىلىعى مينيسترلىگىمەن بىرلەسە استىق تاسىمالدايتىن ۆاگوندار سانىن ارتتىرۋ ماسەلەسى پىسىقتالۋدا. وسى ورايدا جىل سوڭىنا دەيىن استىق تاسىمالى كولەمىن ارتتىرۋ كوزدەلگەن.

 «بۇل تۇرعىدا قوسىمشا 1 مىڭ ۆاگوندى رەسەيدەن تارتۋدى جوسپارلاپ وتىرمىز. 2017 -جىلدىڭ 9-ايىندا شامامەن 5,5 ميلليون توننا استىق تاسىمالداندى، ونىڭ ىشىندە 3,6 ميلليون توننا ەكسپورتقا شىعارىلدى. قازان ايىنا قاراستىرىلعان استىق تيەۋ كولەمى 850 مىڭ توننانى قۇراپ، سونىڭ 600 مىڭ تونناسى ەكسپورتقا تيەسىلى. قاراشا- جەلتوقساندا تاسىمالداناتىن استىق 1 ميلليون تونناعا دەيىن جەتەدى، ونىڭ ىشىندە 650 مىڭ تونناسى ەكسپورتقا باعىتتالادى»، - دەدى پوتلوۆ.

 اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى