بەنزين باعاسىنىڭ ءوسۋى ۋاقىتشا قۇبىلىس - ەنەرگەتيكا ۆيتسە- ءمينيسترى

بۇل تۋرالى پارلامەنت سەناتىندا «2018-2020 -جىلدارعا ارنالعان رەسپۋبليكالىق بيۋدجەت تۋرالى» زاڭ جوباسىنىڭ تانىستىرىلىمىندا ق ر ەنەرگەتيكا ۆيتسە- ءمينيسترى باقىتجان جاقساليەۆ ءمالىم ەتتى، دەپ حابارلايدى قازاقپارات.

«جاقىندا ۇكىمەت وتىرىسىندا كەزەكتى رەت ىشكى نارىققا بەنزيندى جەتكىزۋ ماسەلەسى تالقىلاندى. وزدەرىڭىز بىلەسىزدەر، ءبىزدىڭ نەگىزگى مۇناي وڭدەۋ زاۋىتتارىندا ءتيىستى جۇمىستار اياقتالۋعا تاياپ قالدى. 2018 -جىلى مۇناي وڭدەۋدى 15 ميلليون تونناعا جەتكىزىپ، وسى ارقىلى ەلىمىزدە وتىن تاپشىلىعىن جويۋعا مۇمكىندىك جاسالادى»، - دەپ توقتالدى جاقسالييەۆ.

 ونىڭ سوزىنە قاراعاندا، بۇگىندە نارىققا بەنزيندى جەتكىزۋدى تۇراقتاندىرۋ ماقساتىندا «قازمۇنايگاز» رەسەيدەن وتىندى قاجەتتى كولەمدى ساتىپ الدى. ارينە، ر ف- تە قازاقستانمەن سالىستىرعاندا وتىن باعاسى جوعارىلاۋ. وسى ورايدا ق م گ ءتيىستى كولەمدە شىعىندارعا تاپ بولۋدا.

«قازىرگى كەزدە بەنزينگە بەلگىلى ءبىر دەڭگەيدە باعانىڭ ءوسۋى ورىن الۋدا. بۇل تۇرعىدا 165 تەڭگە (ا ي-92 ماركالى بەنزينىنىڭ ليترىنە) دەڭگەيىندە بولادى دەپ پايىمدايمىز. بەنزين جەتكىزۋدە داعدارىستىق قۇبىلىستىڭ تومەندەۋىنە قاراي، ۇسىنىس كولەمى ارتىپ، باعا تومەندەيتىن بولادى»، - دەدى ۆيتسە- مينيستر.

اپتانىڭ باسىندا وتكەن ۇكىمەت وتىرىسىندا ق ر ەنەرگەتيكا ءمينيسترى قانات بوزىمبايەۆ قازان- قاراشا ايلارىندا اي-92 ماركالى بەنزيننىڭ باعاسى 160-161 تەڭگە بولۋى ءتيىس ەكەنىن ايتقان بولاتىن. مۇنان بولەك، مينيستر تاياۋ ۋاقىتتا ەلىمىزدە بەنزين تاپشىلىعى بولمايتىندىعىنا سەندىردى.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى