وتاندىق ۆاگوندارمەن قامتاماسىز ەتۋ دەڭگەيى بەلگىلى بولدى

ۆەدومستۆو مالىمەتىنە قاراعاندا، 2016 -جىلدىڭ قازان ايىنان ۆاگونداردى ساتىپ الۋ ستاۆكاسىن ءىشىنارا سۋبسيديالاۋ ەسەبىنەن كومىر مەن كەن تاسىمالداۋ ءۇشىن 1300 اشىق ۆاگون جانە ترانزيتتىك كونتەينەرلىك تاسىمالدار ءۇشىن  3103 ۆاگون شىعارۋ جونىندە شارتتار بەكىتىلدى.

بۇل ماقساتقا شامامەن 70 ميلليارد تەڭگە ينۆەستيتسيا تارتىلدى.

«ساتىپ الىناتىن ۆاگوندار وتاندىق كاسىپورىنداردا شىعارىلادى. جالپى، بۇل باعىتتاعى شارالار تەمىرجول ماشينا جاساۋ سالاسىنداعى 7 مىڭ جۇمىس ورنى بار 39 وتاندىق كومپانيانى جۇمىلدىرۋعا جول اشتى»، - دەدى دميتريي پوتلوۆ ينۆەستيتسيالار جانە دامۋ مينيسترلىگىندە وتكەن باسپا ءسوز ءماسليحاتىندا.

بەلگىلى بولعانداي، 2017 -جىلى «تۇلپار- تالگو» ۆاگوندارىنىڭ 62 بىرلىگىن ساتىپ الۋ جانە 2018 -جىلى استانا - لەنينوگورسك 375/376 پويىزى قۇرامىن جاڭارتۋ جوسپارلانۋدا. جالپى العاندا «جولاۋشىلار تاسىمالى» ا ق «تۇلپار- تالگو» ۆاگوندارىنىڭ شامامەن 50 بىرلىگىن جىل سايىن ساتىپ الادى دەپ جوسپارلانۋدا. جەكە تاسىمالداۋشىلار مينيسترلىك الدىنداعى شارتتىق مىندەتتەمەلەرى اياسىندا 2017 -جىلى 16 ميلليارد تەڭگە ينۆەستيتسيا تارتتى جانە جولاۋشىلاردى تاسىمالداۋعا ارنالعان 52 ۆاگون ساتىپ الدى. ول ۆاگوندار 43/44 قوستاناي - الماتى، 327/328 قوستاناي - قاراعاندى، 621/622 قوستاناي - ارقالىك جانە 307/308 جەزقازعان - استانا پويىزدارىنىڭ ەسكى ۆاگوندارىن الماستىرادى.

 اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى