استانادا «سيفرلىق حالىققا قىزمەت كورسەتۋ ورتالىعى» اشىلادى
بۇل تۋرالى استانادا «قازاقستاننىڭ مەملەكەتتىك قىزمەتتى دامىتۋ سالاسىنداعى تاجىريبەسى: يننوۆاتسيالىق ۇستانىمدار، سىناقتار مەن شەشىمدەر» اتتى حالىقارالىق كونفەرەنسيادا «ازاماتتارعا ارنالعان ۇكىمەت» م ك باسقارما ءتوراعاسى ابىلايحان وسپانوۆ ءمالىم ەتتى.
اتالعان كونفەرەنسياعا ت م د ەلدەرىنىڭ وكىلدەرى قازاقستاننىڭ مەملەكەتتىك قىزمەت كورسەتۋ بويىنشا تاجىريبەسىن يگەرۋگە ارنايى كەلىپ وتىر. شارانى «ازاماتتارعا ارنالعان ۇكىمەت» مەملەكەتتىك كورپوراتسياسى استاناداعى مەملەكەتتىك قىزمەت سالاسىنداعى وڭىرلىك حابپەن بىرگە ۇيىمداستىرعان.
«حالىققا قىزمەت كورسەتۋ ورتالىقتارىنىڭ جۇمىسىن كۇشەيتۋ ماقساتىندا سيفرلىق ح ق ك و- لاردى اشىپ، مەملەكەتتىك قىزمەت كورسەتۋدىڭ بەلسەندى قاعيداتتارىن ىسكە اسىرۋ كوزدەلىپ وتىر. ءبىز سيفرلىق تەحنولوگيالار ەنگىزىلىپ جاتقان عاسىردا ازاماتتاردى پورتالعا، بارلىق مەملەكەتتىك قىزمەتتەردى ەلەكتروندى فورماتتا ۇسىنۋ كەرەكتىگىن تۇسىنەمىز. سوندىقتان، ح ق ك و جۇمىسىن دامىتۋدىڭ كەلەسى ساتىسىندا سيفرلىق جۇيەگە وتكىزۋدى جوسپارلادىق. ونىڭ اياسىندا ۆيدەوروليكتەرمەن قامتاماسىز ەتۋ ارقىلى وپەراتورلاردىڭ سانىن ازايتۋ كوزدەلگەن. دەمەك، كەز كەلگەن ازامات سيفرلىق ح ق ك و- نا بارىپ، وپەراتوردىڭ كومەگىنسىز مەملەكەتتىك قىزمەتتەرگە ءوزى قول جەتكىزە الاتىنداي جاعداي جاساماقپىز»، - دەيدى ابىلايحان وسپانوۆ.
ونىڭ ايتۋىنشا، جىل سوڭىندا ىلكى جوبا رەتىندە استانادا سيفرلىق ح ق ك و- نىڭ بىرەۋى ىسكە قوسىلماق.
اۆتور: ايان بەكەن ۇلى
