ءبىر عاسىر ءومىر ءسۇرۋدىڭ قۇپياسى اشىلدى
قازىر سەرگەي فاگەنىڭ بيوحاكينگ دەگەن ماقالاسى عالامتوردا قىزۋ تالقىلانىپ جاتىر، - دەپ جازدى ك ت ك ارناسى.
بيوحاكينگ سوزىنە انىقتاما بەرىپ كورسەك، بۇل - ادامنىڭ ءوزىن- ءوزى جانە قورشاعان ورتانى باسقاشا قابىلداۋعا ۇيرەتەتىن جاڭاشا ۇعىم ەكەن. ياعني ديۆاننان تۇسپەيتىندەر سپورتپەن شۇعىلدانسا، تويا تاماق جەيتىندەر اشىعىپ، اعزاسىن تازارتۋدا قولعا السا 120 جىل ءومىر سۇرۋلەرى ىقتيمال ەكەن.
بيوحاكينگ دەگەنىمىز كەز-كەلگەن ءتاسىلدى قولدانۋ ارقىلى ادام ءومىرىن جاقسارتۋ جانە سول ارقىلى ونىڭ ۇزاق جاساۋىنا جول اشۋ. سپورتپەن شۇعىلدانىپ، اس مازىرىنە ۇلكەن ءمان بەرەتىندەردى دە بيوحاكينگ قولدانۋشىلارى دەسەك بولادى.
وسىنى بۇگە-شىگەسىنە دەيىن زەرتتەپ جازعان رەسەيلىك كاسىپكەردىڭ ماقالاسى بۇگىندە كوپشىلىكتىڭ نازارىن اۋدارىپ وتىر. سەبەبى ول بيوحاكينگ ارقىلى ءجۇز جىلدان استام ءومىر سۇرۋگە بولادى دەگەن. جانە ءوزى سول ارقىلى اعزاداعى مايدى ازايتىپ، وتتەگىنىڭ مولشەرىن ءوسىرىپتى.
«بيوحاكينگپەن اينالىسقانىما 4-5 جىل بولدى. مىڭداعان تەست تاپسىرىپ، جۇزدەگەن پرەپاراتتاردى قولداندىم. دارىگەرلەرمەن كەڭەسىپ كوپتەگەن تاسىلدەردى كورە وتىرىپ ءبىر شەشىمگە كەلدىم. وسىنىڭ بارلىعىن زەرتتەۋگە شامامەن 200 مىڭ دوللار جۇمسادىم»، - دەيدى كاسىپكەر سەرگەي فاگە.
ماقالادا كاسىپكەردىڭ قىرۋار قارجى شاشتىم دەگەنى ادام بيوحاكينگتى باستاۋ ءۇشىن ءتۇرلى دارىگەرلەرگە بارىپ، اعزانى تەكسەرتۋى كەرەك ەكەن. ياعني، ءسىزدىڭ قانداي استى قانشا مولشەردە ىشەتىنىڭىزدى جانە قانشا كۇش شىعىنداپ جاتتىعۋ جاسايتىنىڭىزدى ماماندار عانا سىناق ارقىلى انىقتاپ بەرەدى.
سونداي-اق ۇيىقتاۋ رەجيمىن قالىپقا كەلتىرىپ، اپتاسىنا ءبىر-ەكى رەت اشىعۋ دا بيوحاكينگتىڭ ءبىر بولشەگى. ءبىراق سەرگەي فاگەنىڭ بۇل باستاماسى ءبىز ءۇشىن تاڭسىق ەمەس. الماتىداعى فيتنەس زالداردا وسىنداي گەنەتيكالىق تەست ءبىرازدان بەرى جاسالادى.
«گەنەتيكالىق تەست دەگەنىمىز ادامنىڭ مۇمكىندىگىن انىقتاپ بەرەدى. ول ءۇشىن ءبىز سىلەكەيدەن سىناق الامىز. ونىڭ ناتيجەسىنە قاراپ قانداي سپورتپەن شۇعىلدانۋعا بولادى، قانداي مولشەردە بۇلشىق ەتكە سالماق سالۋ كەرەك ەكەنىن ايتىپ بەرەمىز. ال بيوحاكينگ دەگەندى ءبىرىنشى رەت ەستىپ وتىرمىن
ال سەكسەننىڭ سەڭگىرىنە شىققان مىنا اجەلەر بيوحاكينگ دەگەندى مۇلدەم ەستىمەگەن. ءبىراق ۇزاق ءومىر ءسۇرۋ ءۇشىن سالاۋاتتى ءومىر سالتىن ۇستانۋ كەرەك ەكەنىن جاقسى بىلەدى.
اپتاسىنا ەكى رەت دەنە شىنىقتىرۋمەن اينالىسادى. ءبارى تەگىن. وزدەرى جاتتىقتىرۋشىنى سايلاپ الىپتى. قيمىلدارى شيراق قاريالاردىڭ ەڭ جاسى جەتپىستەن اسىپ كەتسە الدى توقسانعا تاياپ قالعان»، - دەيدى فيتنەس- مەنەدجەر گەورگي ەگازاريان.
«ءبىزدىڭ قاتارعا قاراساڭىز ءبارى شويقاڭداپ، اقساپ جۇرەدى عوي. ويتكەنى تىزەلەرى قيمىلدامايدى. سوسىن وستەوحوندروز دەيمىز ءبىزدىڭ ومىرتقالار جاقسى قيمىلدامايدى. سونىڭ ءبارىن وسى جەردە جوندەيمىز»، - دەيدى زەينەتكەر رايگۇل سابانيشەۆا.
ءبىز سۇراۋ سالعان ادامداردىڭ بارلىعى بيوحاكينگتى سوڭعى كەزدە قاپتاپ كەتكەن زاتى ءبىر بولعان مەن اتى وزگە جاڭا تەرمين دەپ قانا قابىلدايتىنىن جاسىرمادى.
ال رەسەيلىك كاسىپكەردىڭ كوزدەگەنى تەك پايدا تابۋ دەيدى. راسىندا دا دەنە شىنىقتىرۋ مەن دۇرىس تاماقتانۋدان وزگە بيوحاكينگتىڭ تاعى ءبىر مىندەتتى ءادىسى كوپتەگەن پرەپاراتتاردى قولدانۋ. بيو سوزىنە جالعانعان حاكينگ، ياعني حاكەر سىندى ادام ميىنداعى باعدارلامانى قايتا جازىپ شىعۋ. وسىلايشا ءوز ءومىرىن جاقسى جاققا وزگەرتۋ ارقىلى ۇزاق جاسايسىڭ دەگەن رەسەيلىك كاسىپكەردىڭ داقپىرتى عىلىمي تۇرعىدا دالەلدەنبەگەن.
