جاس دزيۋدوشىلارىمىز الەم چەمپيوناتىنىڭ العاشقى كۇنى ەكى مەدال جەڭىپ الدى
الەم چەمپيوناتىنىڭ العاشقى كۇنىندە ابيبا ءابۋجاقىنوۆا (44 كەلى) كۇمىسكە قول جەتكىزسە، باۋىرجان ناربايەۆ (55 كەلى) قولا مەدالعا يە بولدى.
الەم بىرىنشىلىگىنىڭ ءبىرىنشى كۇنىندە قازاقستان ۇلتتىق جاستار قۇراماسى 1 كۇمىس جانە 1 قولا جۇلدەمەن مەدال سانى بويىنشا 5-ورىنعا جايعاستى.
ەستەرىڭىزگە سالا كەتسەك، كەشە حورۆاتيا استاناسى زاگرەبتە دزيۋدودان جاستار اراسىنداعى الەم چەمپيوناتى باستالعان بولاتىن. الەمنىڭ 83 ەلىنەن 600 گە جۋىق تاتامي شەبەرلەرى سىنعا ءتۇسىپ جاتقان جىلدىڭ ماڭىزدى دوداسى قازاننىڭ 22 سىنە دەيىن جالعاسادى. بۇل سىندا قازاقستان نامىسىن 20 دزيۋدوشى قورعاپ جاتىر.
اۆتور: كۇنسۇلتان وتارباي
