اقمولا وبلىسىندا قىزمەتتىك اۆتوكولىكتەرگە ارنايى بەلگى سالىنۋدا
ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگى اقمولا وبلىسى بويىنشا دەپارتامەنتىنىڭ جەمقورلىقتى الدىن الۋ باسقارماسى باسپا ءسوز قىزمەتىنىڭ مالىمەتى بويىنشا، ق ر پرەزيدەنتىنىڭ 2015 -جىلعى 29 - جەلتوقسانداعى № 153 جارلىعىمەن بەكىتىلگەن، قازاقستان رەسپۋبليكاسى مەملەكەتتىك قىزمەتشىلەرىنىڭ ادەپ كودەكسىنە سايكەس، مەملەكەتتىك قىزمەتشىلەر مەملەكەتتىك مەنشىكتىڭ ساقتالۋىن قامتاماسىز ەتۋگە، وزىنە سەنىپ تاپسىرىلعان مەملەكەتتىك مەنشىكتى، اۆتوكولىك قۇرالدارىن قوسا العاندا، ۇتىمدى، ءتيىمدى جانە تەك قىزمەتتىك ماقساتتا عانا پايدالانۋعا ءتيىس.
مەملەكەتتىك قىزمەتشىلەردىڭ ادەپ كودەكسىنىڭ نورمالارىن ساقتاۋ ماقساتىندا، اقمولا وبلىسىنىڭ جەرگىلىكتى اتقارۋشى ورگاندارىمەن قىزمەتتىك اۆتوكولىك قۇرالدارىندا ايىرىقشا بەلگىلەردى (جاپسىرمالاردى) ورنالاستىرۋ بويىنشا جۇمىس جۇرگىزىلۋدە. كوكشەتاۋ قالاسى اكىمى اپپاراتىمەن قىزمەتتىك اۆتوكولىككە سەنىم جانە Call Centr- ءدىڭ تەلەفوندارى كورسەتىلىپ، ارنايى تانىلاتىن بەلگىلەر (جاپسىرمالار) ورنالاستىرىلدى.
«جۇمىستان تىس ۋاقىتتا قوعامدىق ورىنداردا قىزمەتتىك اۆتوكولىك تۇرعان فاكتىسى انىقتالعان جاعدايدا، ازاماتتار جاپسىرمادا كورسەتىلگەن تەلەفوندار بويىنشا حابارلاسا الادى. بۇگىندە وسى تاپسىرىس بەلسەندى تۇردە باسقا اۋداندارمەن ورىندالۋدا. اتالمىش شارالار مەملەكەتتىك قىزمەتشىلەرمەن قىزمەتتىك اۆتوكولىكتى ءتيىمسىز پايدالانۋ فاكتىلەرىنە جول بەرمەيدى»، دەپ ءتۇسىندىردى باسپا ءسوز قىزمەتىندەگىلەر.
اۆتور: اسلان وسپانوۆ 
