قازاقستان مەن قىرعىزستاننىڭ ۇكىمەت باسشىلارى كەزدەستى

 «ەل پرەزيدەنتىن سايلاۋدى تابىستى وتكىزۋلەرىڭىزبەن قۇتتىقتايمىن. قازاقستان پرەزيدەنتى نۇرسۇلتان ءابىش ۇلى نازاربايەۆ بىرنەشە مارتە اتاپ وتكەندەي، باۋىرلاس ەكى مەملەكەتتىڭ قارىم- قاتىناسى بارلىق سالادا ونەگەگە اينالىپ، وڭىردەگى ءتيىمدى ءارى ءوزارا پايدالى ىنتىماقتاستىقتىڭ ۇلگىسى بولۋى ءتيىس»، - دەدى قىرعىز ارىپتەسىن ۇكىمەت ۇيىندە قابىلداعان باقىتجان ساعىنتايەۆ.

سونىمەن قاتار قازاقستان ۇكىمەت باسشىسى ەكى ەلدىڭ اراسىندا جەمىستى ەكونوميكالىق بايلانىستاردى اتاپ ءوتتى.  «ۇزاق جىلدار بويى قازاقستان قىرعىزستان ەكونوميكاسىنىڭ باسىم ينۆەستورلارىنىڭ ءبىرى سانالىپ كەلدى. قىرعىزستان ەكونوميكاسىنا 800 ميلليون دوللاردان استام ينۆەستيتسيا سالىندى. سونىمەن قاتار بۇگىنگى كۇنى قازاقستاندا بىرلەسكەن كاپيتالى بار شامامەن 700  قىرعىز كومپانياسى جۇمىس ىستەۋدە. تاۋار اينالىمى دا ارتىپ كەلەدى .7 ايدىڭ قورىتىندىسىندا ءوزارا ساۋدا- ساتتىقتىڭ 28 پايىزعا ارتقانىن كورىپ وتىرمىز. بۇل جاقسى كورسەتكىش»، - دەدى باقىتجان ساعىنتايەۆ.

ءوز كەزەگىندە قىرعىز ۇكىمەت باسشىسى قازاقستان پرەمەر- ءمينيسترىن وتكەن تۋعان كۇنىمەن جانە ەكى ەلدىڭ اراسىنداعى ديپلوماتيالىق قارىم- قاتىناستىڭ 25 جىلدىعىمەن قۇتتىقتادى. «قىرعىزستاننىڭ پرەمەر- ءمينيسترى رەتىندە سىندارلى جۇمىسقا ءۇمىت ارتىپ وتىرمىن»، - دەپ قوستى ول.

ايتا كەتەرلىگى، كەزدەسۋگە قىرعىزستاننىڭ رەسمي دەلەگاتسياسى مەن قازاقستان مينيسترلەر كابينەتىنىڭ مۇشەلەرى قاتىستى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى