ءۇش جىلدىق بيۋدجەت الەۋمەتتىك مىندەتتەردى تولىعىمەن ورىنداۋعا نەگىزدەلگەن - ساعىنتايەۆ

 ءۇش جىلدىق بيۋدجەت الەۋمەتتىك مىندەتتەردى تولىعىمەن ورىنداۋعا نەگىزدەلگەن - ساعىنتايەۆ استانا. قازاقپارات - پارلامەنت ءماجىلىسىنىڭ جالپى وتىرىسىندا پالاتا دەپۋتاتتارى «2018-2020 -جىلدارعا ارنالعان رەسپۋبليكالىق بيۋدجەت تۋرالى» زاڭ جوباسىن ماقۇلدادى، دەپ حابارلايدى قازاقپارات.

«بۇگىن ءبىز ەلىمىزدىڭ نەگىزگى قارجى قۇجاتى، ياعني ءۇش جىلدىق بيۋدجەتتى ماقۇلدادىق. بۇل ەلىمىزدىڭ تۇراقتى دامۋ جولىنداعى پارلامەنتتىڭ دە، ۇكىمەتتىڭ دە اتقارىپ كەلە جاتقان ەڭ جاۋاپتى ءارى ماڭىزدى مىندەتتەرىنىڭ ءبىرى. سوندىقتان ءبىز بىرلەسىپ، ەلباسىنىڭ تاپسىرمالارىن باسشىلىققا الىپ، مەملەكەت قارجىسىن ءتيىمدى پايدالانۋعا ايرىقشا ءمان بەرۋىمىز كەرەك»، - دەدى ءماجىلىس ءتوراعاسى نۇرلان نىعماتۋلين.

 ءوز كەزەگىندە ق ر پرەمەر- ءمينيسترى باقىتجان ساعىنتايەۆ 2018-2020 -جىلدارعا ارنالعان ءۇش جىلدىق بيۋدجەت جوباسىن قابىلداپ، ۇكىمەتكە قولداۋ جاسالعانىنا العىسىن جەتكىزدى.

«بۇگىنگى ماقۇلدانعان بيۋدجەتتىڭ جوباسى نەگىزىنەن ەكونوميكامىزدىڭ ءوسىمىن قامتاماسىز ەتۋگە، الەۋمەتتىك مىندەتتەردى تولىعىمەن ورىنداۋعا، نەگىزگى باعدارلامالىق قۇجاتتاردى ىسكە اسىرۋعا، ياعني مەملەكەت باسشىسىنىڭ بارلىق تاپسىرمالارىن ورىنداۋعا مۇمكىندىك بەرەدى. الداعى ۋاقىتتا دا سىزدەرمەن بىرلەسە ءىس- قيمىلدارىمىزدى ورتاقتاسا وتىرىپ، جۇمىسىمىزدى جالعاستىرامىز دەپ سەنىم بىلدىرگىم كەلەدى»، - دەدى ق ر ۇكىمەت باسشىسى دەپۋتاتتارعا قاراتا ايتقان سوزىندە.

جالپى وتىرىس بارىسىندا ۇلتتىق ەكونوميكا ءمينيسترى تيمۋر سۇلەيمەنوۆ جىل باسىنان باستاپ ەكونوميكالىق بەلسەندىلىكتىڭ جاقسارعانى بايقالعانىن اتاپ ءوتتى. 9 ايدا جالپى ىشكى ءونىمنىڭ ءوسىمى 4,3 پايىزدى قۇرادى. 2017 -جىلدىڭ قورىتىندىسى بويىنشا ەكونوميكانىڭ ءوسۋى كەم دەگەندە 3,4 پايىز دەڭگەيىندە كۇتىلۋدە.

«جالپى ىشكى ءونىمنىڭ ناقتى ءوسۋى 2018 -جىلى 3,1 دەڭگەيىندە، كەيىننەن 2022 -جىلى 4,2 پايىزعا دەيىن بولجانىپ وتىر. ج ءى ءو- ءنىڭ ورتاشا جىلدىق ءوسۋ قارقىنى الداعى بەس جىلدىق كەزەڭدە 3,7 پايىزدى قۇرايدى»، - دەدى سۇلەيمەنوۆ.

ونىڭ سوزىنە قاراعاندا، جان باسىنا شاققانداعى ج ءى ءو 2018 -جىلى 9 مىڭ ا ق ش دوللارىن قۇراپ، 2022 -جىلى 11,7 مىڭ ا ق ش دوللارىنا دەيىن وسەدى. سونىمەن قاتار ق ر قارجى ءمينيسترى رەسپۋبليكالىق بيۋدجەت شىعىستارىنىڭ جالپى كولەمىندە ەڭ ۇلكەن ۇلەس الەۋمەتتىك سالاعا تيەسىلى ەكەنىن اتاپ ءوتتى.

 «ول 2018 -جىلى 44,6 پايىزدان 2020 -جىلى 47,4 پايىزعا دەيىن وسەدى. اقشالاي ماندە وسى سالاعا ارنالعان شىعىستار 13,4 تريلليون تەڭگەنى قۇرايدى، ونىڭ ىشىندە 2018 -جىلعا - 4,1 تريلليون تەڭگە. وسى بلوكتىڭ شىعىستارىنىڭ ەڭ ءىرى كولەمى الەۋمەتتىك قامتاماسىز ەتۋ جانە ەلىمىزدىڭ ازاماتتارىنا الەۋمەتتىك كومەك كورسەتۋگە باعىتتالادى»، - دەدى سۇلتانوۆ.

دەنساۋلىق ساقتاۋ جۇيەسىنە 2018-2020 -جىلدارعا ارنالعان شىعىستار 3,3 تريلليون تەڭگەنى قۇرايدى، ونىڭ ىشىندە 2018 -جىلى - 1 تريلليون 70 ميلليارد تەڭگە قاراستىرىلعان. ولاردىڭ ءوسۋى نەگىزىنەن مىندەتتى الەۋمەتتىك مەديتسينالىق ساقتاندىرۋعا ساپالى ءوتۋ ماقساتىندا تەگىن مەديتسينالىق كومەكتىڭ كەپىلدىك بەرىلگەن كولەمىنىڭ كۇشەيۋىنە بايلانىستى. ال ءبىلىم جانە عىلىم جۇيەسىن دامىتۋعا 2018-2020 -جىلدارعا ارنالعان بيۋدجەت جوباسىندا 1,1 تريلليون تەڭگە كوزدەلگەن، سونىڭ ىشىندە 2018 -جىلعا 341 ميلليارد تەڭگە ەسكەرىلگەن.

 اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى