قازاقستاندا جىلىجاي سالۋ قىمبات - كاسىپكەر
فورۋمعا ورتالىق ازيا ەلدەرى ساۋدا وكىلدەرىمەن قاتار، ەۋروپاداعى 18 ەلدەن ءتۇرلى كومپانيا باسشىلارى مەن مەملەكەتتىك سەكتور وكىلدەرى كەلدى. جيىنعا بارلىعى 500 قاتىسۋشى شاقىرىلعان. ەكى كۇندىك ساۋدا فورۋمى بيىل «ساۋدا، كولىك جانە جەمىس- كوكەنىس سەكتورىنىڭ ءوسۋ كەلەشەگى» تاقىرىبىن تالقىلاماق. تاقىرىپ اياسىندا ورتالىق ازيا ايماعىندا جاڭا جۇمىس ورىندارىن قۇرۋ ماقساتىندا كومپانيالاردىڭ باسەكەگە قابىلەتتىگىن ارتتىرۋ ماسەلەسى كوتەرىلدى. فورۋمدى ۇيىمداستىرۋعا مۇرىندىق بولعان - قازاقستانداعى ا قش ەلشىلىگى.
ا ق ش- تىڭ ەلىمىزدەگى ەلشىسى دجوردج كرولل فورۋم جاڭادان قۇرىلعان بيزنەستىڭ وسۋىنە سەپتىگىن تيگىزەتىنىن اتاپ ءوتتى. «ساتۋشىلاردىڭ، ساتىپ الۋشىلاردىڭ جانە ساۋدا دەلدالدارىنىڭ باسىن قوساتىن ورتالىق ازيا ساۋدا فورۋمى جاڭادان قۇرىلعان بيزنەستىڭ وسۋىنە، ال قىزمەتىن بۇرىننان جۇرگىزىپ وتىرعان كاسىپورىنداردىڭ كەڭەيۋىنە كومەكتەسۋ ءۇشىن ىسكەرلىك بايلانىستاردى ورناتۋعا ارنالعان الاڭدى ۇسىنىپ وتىر» ، - دەدى ا ق ش ەلشىسى. جيىندا ورتالىق ازيا ەلدەرىنەن ەكسپورتتالاتىن جەمىس پەن كوكونىس كولەمىن ارتتىرۋ، ايماقتاعى ساۋدا جانە ونىڭ ەكونوميكالىق دامۋىنا بوگەت بولىپ وتىرعان تاسىمالداۋ جانە لوگيستيكاداعى كەلەلى ماسەلەلەر كوتەرىلدى. فورۋمدا بايانداما جاساعان بەلگىلى كاسىپكەر رايىمبەك باتالوۆ شاعىن جانە ورتا بيزنەستىڭ جىلىجاي سالاسىنا ينۆەستيتسيا سالۋىنا جاعداي جاساۋ قاجەتتىگىن كوتەردى.
«قازاقستاندا اۋىل شارۋاشىلىعىنا ينۆەستيتسيا سالۋ وكىنىشكە وراي قىمبات. قىس مەزگىلىندەگى جەمىس- جيدەك، كوكەنىس تۋرالى ايتاتىن بولساق، بۇل جەردە جىلىجايلارعا توقتالۋ قاجەت بولادى. جىلىجاي سالۋ ينۆەستيتسيانىڭ كوز قاراسىمەن قاراسا، وتە قىمبات. بۇل جەردە نارىقتى ارزان تاۋارمەن تولتىرۋ تۋرالى ايتۋعا ءالى ەرتە. مىسالى، ءسىز ۇشاقپەن قىتايعا قاراي ۇشساڭىز، قازاقستان اۋماعىنان ۇشقاندا ارينە، اسەم تابيعاتتى كورەسىز، ال قىتاي شەكاراسىنا اسقاندا قاپتاعان جىلىجايلاردى بايقار ەدىڭىز. ەگەر قىتايدا، وزبەكستاندا جانە قازاقستاندا جىلىجاي سالۋ قانشالىقتى دەپ باعالارىن سالىستىرىپ قارايتىن بولساڭىز، قازاقستاندا ايتارلىقتاي قىمبات ەكەنىنە كوزىڭىز جەتەدى. بۇل جەردە مەملەكەتتىك قولداۋ قاجەت ەكەنىن تاعى دا ايتا كەتكىم كەلەدى. مەنىڭشە، بۇل باعىتتا جۇمىستار جۇرگىزىلىپ جاتىر. دەگەنمەن، ورتا جانە شاعىن بيزنەستىڭ وسى سالاعا كىرۋىنە جاعداي جاساۋ ماڭىزدى» ، - دەدى جيىندا باستى بايانداما جاساعانداردىڭ ءبىرى «رايىمبەك» حولدينگى ديرەكتورلار كەڭەسىنىڭ ءتوراعاسى رايىمبەك باتالوۆ.
ايتا كەتەيىك، فورۋم اياسىندا كورمە ۇيىمداستىرىلىپ، ءوندىرىس، كولىك شىعىندارىن تومەندەتۋگە مۇمكىندىك بەرەتىن جەمىس- جيدەك، كوكەنىس، كولىك جانە لوگيستيكا سالاسىنداعى جاڭا تەحنولوگيالار، جابدىقتار مەن قىزمەتتەر تانىستىرىلدى. سونداي- اق، ەكى كۇندىك فورۋم اياسىندا ايماقتىق جانە حالىقارالىق ساۋداداعى اسا ماڭىزدى ماسەلەلەردى شەشۋ جونىندە مەملەكەت پەن جەكەمەنشىك سەكتور اراسىندا ديالوگتى ورناتۋ ماسەلەسى جانە ازىق- تۇلىك قاۋىپسىزدىگى تاقىرىبىنا ارنالعان بيزنەسس- ترەنينگتەر ۇيىمداستىرىلماق.
