شي جينپيڭ: قىتايلىق ۇلگىدەگى سوتسياليزم جاڭا كەزەڭگە قادام باستى

بۇل تۋرالى ق ح ر ءتوراعاسى، ق ك پ ورتالىق كوميتەتىنىڭ باس حاتشىسى شي جينپيڭ سارسەنبى كۇنى قىتاي كوممۋنيستىك پارتياسى (ق ك پ) XIX سەزدىنىڭ اشىلۋىندا ءمالىم ەتتى، دەپ حابارلايدى «شينحۋا».

«پارتيا بارشا قىتاي حالقىنىڭ باسىن بىرىكتىرىپ، ولاردى ورتا داۋلەتتىلەر قوعامىن قۇرۋعا جەتەلەۋ قاجەت جانە قىتايلىق ۇلگىدەگى سوتسياليزم جاڭا داۋىرگە قادام باسۋ كەزىندە جەتىستىككە قول جەتكىزۋ كەرەك»، - دەدى ول.

شي جينپيڭ قىتايدىڭ دامۋدى جالعاستىرۋعا ستراتەگيالىق مۇمكىندىگى بار ەكەنىن، ءبىراق بۇل جولدا ەلدىڭ ەلەۋلى قيىندىقتارعا تاپ بولاتىنىن مالىمدەدى.

«ىشكى احۋالدىڭ دا، شەتەلدەگى جاعدايدىڭ دا ۇنەمى كۇردەلى جاعدايىندا ءبىزدىڭ ەل دامۋدى جالعاستىرۋ ءۇشىن ماڭىزدى ستراتەگيالىق مۇمكىندىكتەرگە يە. ءبىزدىڭ بولاشاعىمىز جارقىن، الايدا سىن-تەگەۋرىندەر دە جوق ەمەس»، - دەپ ايتتى ول.

فورۋمعا 2,3 مىڭ دەلەگات قاتىسىپ جاتىر. سەزد 24- قازانعا دەيىن جالعاسادى، وندا سوڭعى بەس جىل ىشىندەگى پارتيا جۇمىسىنىڭ ناتيجەلەرى قارالادى. سونداي-اق، قىتايداعى جانە باسقا ەلدەردەگى قوعامدىق-ەكونوميكالىق جانە ساياسي احۋال تالقىلانادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى