عالىم قازاقستانعا تونگەن مەتەوريت قاۋپى تۋرالى حابارلاماعا پىكىر ءبىلدىردى
حابارلامادا ناسا سپۋتنيكتەرىنەن تۇسكەن اقپاراتقا سايكەس، «جاقىن كۇندەرى رەسەي مەن قازاقستان اۋماعىنا ەكى ءىرى اسپان دەنەسى تۇسەدى. 16 -قازان كۇنى MS26-45 سەريالى مەتەوريتتەر جەردىڭ گراۆيتاتسيالىق ورىسىنە جەتەدى جانە ولار ستراتوسفەرادا جانىپ ۇلگەرسە، ءبىر بولىگى 17-قازانعا قاراعان ءتۇنى رەسەي اۋماعىنا قۇلايدى. كەيبىر سىنىقتارى قازاقستانعا دا جەتۋى مۇمكىن جانە ەلسىز ايماققا ءتۇسۋى مۇمكىن».
«سول سەبەپتى بىزدە ناقتى، سەنىمدى اقپارات جوق. بۇگىن جەرگە عارىشتان كەلەتىن ءقاۋىپ- قاتەرلەر تۋرالى اقپاراتتار ۇنەمى جاڭارتىلىپ وتىراتىن «كوسميچەسكايا پوگودا» سايتىن قارادىم، بۇل تۋرالى ەش دەرەك جوق»، - دەپ جاۋاپ بەردى فەسەنكوۆ اتىنداعى استروفيزيكالىق ينستيتۋتتاعى اي مەن پلانەتالار فيزيكاسى زەرتحاناسىنىڭ جەتەكشىسى، فيزيكا- ماتەماتيكا عىلىمدارىنىڭ دوكتورى، پروفەسستور ۆيكتور تەيفەل قازاقپارات ءتىلشىسىنىڭ ساۋالىنا.
پروفەسسور مەتەوريتتەر تۋرالى مۇنداي اقپاراتتىڭ سپۋتنيكتەردەن تۇسكەنىنە كۇمان كەلتىردى. «سپۋتنيكتەر - مەتەورولوگيالىق، جەردى قاشىقتىقتان زوندتايتىن، جەرگە باعىتتالعان «تىڭشى» - سپۋتنيكتەر. ولار عارىش كەڭىستىگىنە ەمەس، جەرگە مونيتورينگ جاسايدى. بالكىم، «حاببل» تەلەسكوپى مەن وزگە دە زەرتتەۋلەر تۋرالى ايتىلعان شىعار»، - دەپ اتاپ ءوتتى ول.
«حابارلامادا استەرويدتار ەمەس، مەتەوريتتەر تۋرالى ايتىلعاندىقتان، جەرگە ايتارلىقتاي اپات كەلمەيدى. مەنىڭشە، مۇنىڭ بارلىعى ويدان شىعارىلعان. ن ا س ا- دان قانداي دا ءبىر اقپارات كەلىپ تۇسكەن شىعار، ءبىراق بۇقارالىق اقپارات قۇرالدارى سەنساتسيا رەتىندە تاراتىپ جىبەردى. سوڭعى كەزدەرى مۇنداي وقيعالار ءجيى كەزدەسىپ ءجۇر»، - دەپ پروفەسسور تەيفەل ءوز ءسوزىن تۇيىندەدى.
