دەپۋتات قازاقستاندىق ويىنشىلاردى «اۋلا فۋتبولى جۇلدىزدارى» دەپ باعالادى

 استانا. قازاقپارات - پارلامەنت ءماجىلىسىنىڭ جالپى وتىرىسىندا دەپۋتات ماگەررام ماگەرراموۆ وتاندىق فۋتبول پروبلەماسىن كوتەردى، دەپ حابارلايدى قازاقپارات.

دەپۋتات قازاقستاندىق ويىنشىلاردى «اۋلا فۋتبولى جۇلدىزدارى» دەپ باعالادى

 «فيفا رەيتينگىندە قازاقستاندىق فۋتبول 105- ورىننان 126 عا تومەندەدى. ىرىكتەۋ كەزەڭدەرىندە ۇلتتىق قۇرامانىڭ ءساتسىز ويىندارى مەن الەمدىك رەيتينگتە قۇلدىراۋى ەگجەي- تەگجەيلى تالقىلاۋعا سەبەپ بولا المادى. ءبىزدىڭ ەلدە فۋتبولعا، فۋتبولشىلارعا ءارى ولاردىڭ باپكەرلەرىنە بارلىق جاعدايلار جاسالعان. قازاقستاندىق قوعامدا فۋتبول كلۋبتارىنا جۇمسالعان ميلليونداعان قارجىلىق شىعىندار مەن ءبىزدىڭ فۋتبول جۇلدىزدارىنا تولەنەتىن شەكتەن تىس گونورارلار ماسەلەسى بىرنەشە مارتە تالقىلانعان ەدى. دەگەنمەن دە ويىن دەڭگەيى بويىنشا ولار «اۋلا فۋتبولىنىڭ جۇلدىزدارى» اتانۋعا لايىق بولىپ تۇر. وتاندىق فۋتبولعا قاتىستى جاعداي الاڭداتىپ وتىر. سوندىقتان بۇل ماسەلەنى تەز ارادا قاراستىرعان ءجون» ، - دەدى ماگەرراموۆ مادەنيەت جانە سپورت مينيسترلىگىنە جولداعان ساۋالىندا.

ونىڭ پايىمىنشا، ۇلتتىق قۇرامانى باسقارۋعا ت م د ەلدەرىنەن باپكەرلەردى شاقىرتۋ تاجىريبەسىن دوعارۋ قاجەت. بۇل ەلدەردىڭ وزىندە دە ىشكى چەمپيوناتتارى تومەن دەڭگەيدە. دەپۋتاتتىڭ سوزىنە قاراعاندا، فۋتبولشىلارعا شەكتەن تىس گونورارلاردى قىسقارتۋ كەرەك، سونداي- اق 7  جىلعا كوماندالار قۇرامىنا شەتەلدىك ويىنشىلاردى قوسۋعا ليميت ەنگىزۋ قاجەت. «شەتەل لەگيونەرلەرىنە رۇقسات ەتىلگەن كولەمى ايقىندالۋى ءتيىس، ياعني ءبىر كلۋبقا 4 فۋتبولشى ەسكەرىلگەن ءجون. ءار ويىنعا نەگىزگى قۇرامعا ەكى شەتەلدىك فۋتبولشىدان ارتىق ەمەس كولەمدە ويىنشىنى قوسۋ شەكتەۋىن ەنگىزۋ كەرەك. بۇل قادامدار وتاندىق جاس فۋتبولشىلاردىڭ كاسىبي بىلىكتىلىگىن دامىتۋدى ىنتالاندىرار ەدى، سونىمەن قاتار ولاردىڭ كلۋبتىق كوماندالاردىڭ نەگىزگى قۇرامىندا ويناۋعا ءارى ۇلتتىق قۇرامانىڭ نامىسىن قورعاۋعا مۇمكىندىك بەرەر ەدى» ، - دەپ تۇيىندەدى ءسوزىن ول.

 

 اۆتور: رۋسلان عابباسوۆ

оқулық
ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى