ەلوردادا مۇمكىندىگى شەكتەۋلى ازاماتتارعا ارنالعان بوس ورىندار جارمەڭكەسى وتەدى

 استانا قالاسى اكىمدىگى مەن حالىقتى جۇمىسپەن قامتۋ ورتالىعىنىڭ ۇيىمداستىرۋىمەن 12 - قازاندا ەلوردانىڭ «جاستار» سارايىندا (رەسپۋبليكا داڭعىلى 34) مۇمكىندىگى شەكتەۋلى ازاماتتارعا ارنالعان بوس ورىندار جارمەڭكەسى وتەدى.

جارمەڭكەگە «بيوتەحنولوگيا ۇلتتىق ورتالىعى»، ۇلتتىق مۋزەي، № 1 ەمحانا، «ەلارا- استانا» ج ش س، «كازدورپروەكت» ج ش س، «اپرەل 2030» ج ش س سياقتى 40-قا تارتا ەلوردالىق جۇمىس بەرۋشى قاتىسادى دەپ كۇتىلۋدە. وندا كىشى عىلىمي قىزمەتكەر، زەرتحاناشى، مەيىربيكە، جۇرگىزۋشى- ەكسپەديتور، كۇزەتشى، ونەر مەن مادەنيەت مامانى سەكىلدى 250 بوس جۇمىس ورنى ۇسىنىلماق. شارا ساعات 10:00-دە باستالىپ، 13:00-دە اياقتالادى، - دەلىنگەن تاراتىلعان حابارلامادا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى