قازاقستاندا ادام اعزالارىنىڭ ساۋداسىنا قاتىستى سايت انىقتالدى
باتىس قازاقستان وبلىستىق پروكۋراتۋراسىنان ءمالىم ەتكەندەي، ادامنىڭ تىندەرىن (ءتىننىڭ بولىگىن) جانە (نەمەسە) اعزالارىن (اعزالارىنىڭ بولىگىن) ساتۋ- ساتىپ الۋ جونىندەگى حابارلامالار ورنالاستىرىپ وتىرعان سايت - شەتەلدىك بۇقارالىق اقپارات قۇرالى. ءبىراق وعان قازاقستان رەسرۋبليكاسىنىڭ بارلىق اۋماعىنداعى ينتەرنەت- پايدالانۋشىلاردىڭ قولجەتىمدىگى بار.
ايتا كەتەيىك، «حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسرۋبليكاسىنىڭ كودەكسىنىڭ 169-بابىنىڭ 3-تارماعىنا سايكەس، ادامنىڭ تىندەرىن (ءتىننىڭ بولىگىن) جانە (نەمەسە) اعزالارىن (اعزالارىنىڭ بولىگىن) ساتۋ- ساتىپ الۋعا تىيىم سالىنادى. سونداي- اق ق ر قىلمىستىق كودەكسىنىڭ 116-بابىنا سايكەس، ءتىرى ادامنىڭ اعزالارى مەن تىندەرىنە قاتىستى زاڭسىز مامىلەلەر جاساعاندىعى ءۇشىن قىلمىستىق جاۋاپكەرشىلىك كوزدەلگەن.
وسىعان وراي، ب ق و تاسقالا اۋداندىق سوتىنىڭ شەشىمىمەن اۋدان پروكۋرورىنىڭ ءوتىنىشى قاڭاعاتتاندىرىلىپ، قازاقستان رەسرۋبليكاسىنىڭ زاڭنامالىق اكتىلەرىنە قايشى كەلەتىن، ق ر- دىڭ بارلىق اۋماعىندا تارالعان سايت زاڭسىز دەپ تانىلىپ، ونىڭ ەل اۋماعىندا تارالۋى توقتاتىلدى. سوت شەشىمى زاڭدى كۇشىنە ەنگەن جوق.
