نازاربايەۆ زياتكەرلىك مەكتەپتەرىنىڭ ۇجىمى مەن وقۋشىلار جاپپاي ۆەلوسيپەدكە ءمىندى

ءبىر ۋاقىتتا بۇل اكسياعا زياتكەرلىك مەكتەپتەردىڭ وقۋشىلارى، مۇعالىمدەرى جانە اتا-انالارى، بارلىعى ءتورت مىڭنان استام ادام قاتىستى. ورال قالاسىندا اتالمىش شارانى شاھارداعى نازاربايەۆ زياتكەرلىك مەكتەبى (ن ز م) ۇيىمداستىردى، دەپ حابارلايدى «قازاقپارات» ءتىلشىسى.

وعان وبلىستىق ۆەلوسپورت مەكتەبىنىڭ 30-دان استام جانە ن ز م- نىڭ 100 دەن استام وقۋشىسى، مۇعالىمى جانە اتا- انالارى ات سالىستى. ۆەلوجورىق مەكتەپتىڭ الدىنان باستالىپ، №14 -جالپى ورتا ءبىلىم بەرەتىن مەكتەپكە باعىت الدى.

مەكتەپ ديرەكتورى شولپان قادىروۆانىڭ ايتۋىنشا، رەسپۋبليكالىق ەكوفەستيۆالدىڭ باستى ماقساتى - جاستار مەن ەرەسەكتەر اراسىندا ۆەلوسيپەد كولىگىن ناسيحاتتاۋ، سول ارقىلى ەكولوگيالىق مادەنيەتتى دامىتۋ، سالاۋاتتى ءومىر سالتىنا باۋلۋ.

بۇل شارا «اقبوتا» قوعامدىق قورىنىڭ قاتىسۋىمەن ب ۇ ۇ دامۋ باعدارلاماسى - «الماتى قالاسىنىڭ تۇراقتى كولىگى» جاھاندىق ەكونوميكالىق قورىنىڭ «سەنىڭ قاۋىپسىز ۆەلوسيپەدىڭ - سەنىڭ قالاڭنىڭ ەكولوگياسى مەن دەنساۋلىعىڭ ءۇشىن» جوباسى اياسىندا ۇيىمداستىرىلعان.

بەلگىلەنگەن مارشرۋت بويىنشا وتكەن ۆەلوجورىق №14 مەكتەپتىڭ الدىنداعى دوستىق كونتسەرتىنە جالعاستى. ەكى مەكتەپتىڭ وقۋشىلارى ءوز ونەرلەرىن كورسەتىپ، شارا سوڭىندا زياتكەرلەر وسى مەكتەپتىڭ وقۋشىلارىنا شاعىن سىيلىقتارىن تابىستادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى