يران پورتىنا ساپارلاعان قازاقستاندىق فلوتيليا ەلگە ورالۋدا
ساياحاتتا «ورال» جانە «سارى ارقا» راكەتالىق- ارتيللەريالىق كەمەلەردىڭ ەكيپاجىنا كاپيتان نياز بەكوۆ باسشىلىق ەتۋدە.
دوستىق نيەتتەگى قازاقستاندىق العاشقى فلوتيليا يراننىڭ سولتۇستىگىندەگى گيليان پروۆينتسياسىنىڭ ەنزەلي پورتىنا 27 - قىركۇيەك كۇنى كەلگەن بولاتىن. يران جاعالاۋىنا جەتكەن قازاقستاندىق ەكيپاجدىڭ ساپارىنىڭ ماقساتى كاسپي تەڭىزى جاعالاۋىندا ورنالاسقان ەلدەر اراسىنداعى حالىقارالىق ىقپالداستىقتى نىعايتۋ. فلوتيليا كومانديرلەرى يراننىڭ اسكەري- تەڭىز كۇشتەرىنىڭ باسشىلىعىمەن جانە گيلياننىڭ گۋبەرناتورىمەن كەزدەستى، سونداي- اق ەكيپاج مۇشەلەرى پروۆينتسيانىڭ تاريحي جانە كورىكتى جەرلەرىن ارالاپ كوردى.
ايتا كەتەيىك، دوستىق ساپار يراندىق تاراپتىڭ شاقىرۋىمەن جۇزەگە استى. اعىمداعى جىلدىڭ ءساۋىر ايىندا قازاقستانعا يراننىڭ فلوتيلياسى كەلىپ قايتقان بولاتىن.
