قوستانايلىق دەپۋتاتتار ەرەكشە فلەشموب وتكىزدى
بۇل باستاماعا قوستاناي وبلىستىق ت ج د مۇرىندىق بولدى. ولار وسى اكتسيا ارقىلى تۇرعىنداردى ءورت قاۋىپسىزدىگىن ساقتاۋعا شاقىرادى. «بىلتىردىڭ وزىندە وبلىستا 26 ادام ورتتەن قازا تاپتى. ءتىلسىز جاۋدىڭ شىعۋ سەبەبى كوپ جاعدايدا ادامداردىڭ ءورت ءسوندىرۋدىڭ قاراپايىم قاعيداتتارىن بىلمەۋدەن بولىپ وتىر. بۇگىنگى فلەشموب ارقىلى بالالارىن قاراۋسىز قالدىرعان اتا- انانىڭ جاعدايىن كورسەتكىمىز كەلدى. اتا- اجەسى ۇيىقتاپ قالعان سوڭ، بالالار مايشام جاعىپ، ءورت شىعارادى. ال ونىڭ ارتى نەگە اپاراتىنى بەلگىلى. ءماسليحاتتىڭ جاس دەپۋتاتتارى ءبىزدىڭ باستامانى قولداپ، وزدەرى دە قاتىسۋعا نيەت ءبىلدىردى» ، - دەيدى وبلىستىق ت ج د باس مامانى عاليا شادايەۆا.
دەپارتامەنت قىزمەتكەرلەرىنىڭ ايتۋىنشا، مۇنداي پروفيلاكتيكالىق شارالار ءالى دە جالعاسىن تابادى.
اۆتور: باتىر جولاي ۇلى
