تۇركىستاندا قوجا احمەت ياساۋي كەسەنەسىنە قاتىستى فوتو كورمە اشىلدى - فوتو
كورمە ەلباسى ن. ءا. نازاربايەۆتىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىندا كورسەتىلگەن تاريحي مادەني قۇندىلىقتاردى دارىپتەۋ اياسىندا ۇيىمداستىرىلىپ وتىر، دەپ حابارلايدى قازاقپارات ح ا ا ءتىلشىسى.
كورمە ەكسپوزيتسياسىنا مۋزەي مۇراعاتىنان 40 تان استام فوتوسۋرەت مەن مۋزەيدىڭ باسپا ونىمدەرى قويىلىپ، كوپشىلىك نازارىنا ۇسىنىلدى. قورىق- مۋزەيدىڭ قۇرىلعاننان بەرگى 39 جىلدىق تاريحىنان سىر شەرتەتىن تاريحي فوتولار كورەرمەن كوزايىمىنا اينالدى. بۇگىنگى كۇنى 300 گە جۋىق كورەرمەن قۇندى دۇنيەلەرمەن تانىسىپ ۇلگەردى.
قورىق- مۋزەيدىڭ نەگىزىن قالاۋشى مەملەكەت جانە قوعام قايراتكەرى وزبەكالى جانىبەكوۆ ەسىمىمەن بايلانىستى. كورمەدە 1978 -جىلى قورىق- مۋزەيىنىڭ اشىلۋ سالتاناتىنان بىرەگەي فوتوسۋرەتتەر، قوعام قايراتكەرى دىنمۇحاممەد قونايەۆتىڭ قوجا احمەت ياساۋي كەسەنەسىنە كەلگەن ساتتەرى، مەكەمەنىڭ تىنىس-تىرشىلىگى، وتكەن ءتۇرلى مادەني شارالاردىڭ كورىنىستەرى ورىن العان.
ايتا كەتەيىك، «ازىرەت سۇلتان» مەملەكەتتىك تاريحي- مادەني قورىق- مۇراجايى 1978 -جىلى 30 قىركۇيەكتە «رەسپۋلبيكالىق قوجا احمەت ياساۋي كەسەنەسى عيماراتى مۋزەيى» بولىپ قايتا اشىلدى. 2015 -جىلى شىلدەنىڭ 24 كۇنى ق ر مادەنيەت جانە سپورت مينيسترلىگىنىڭ رەسپۋبليكالىق مەملەكەتتىك مەكەمەلەرىن قايتا ۇيىمداستىرۋ تۋرالى قاۋلىسىمەن «ازىرەت سۇلتان» مەملەكەتتىك تاريحي- مادەني قورىق- مۇراجايى» بولىپ وزگەرتىلدى.
قورىق- مۇراجايى ءوز جۇمىسىن نەگىزگى ەكى باعىتتا جۇرگىزەدى. العاشقىسى تۇركىستان وڭىرىندەگى تاريحي- مادەني ەسكەرتكىشتەردى ساقتاۋ، قورعاۋ جانە ەسەپكە الۋ بولسا، ەكىنشى باعىتى- قورىق مۇراجايى رەتىندە عاسىرلار ەلەگىنەن ءوتىپ، بۇگىنگى كۇنگە جەتكەن كونە، قۇندى، تاريحي جادىگەرلەردى ساقتاۋ مەن قورعاۋ، قايتا قالپىنا كەلتىرۋ جانە كەڭىنەن ناسيحاتتاۋ بولىپ تابىلادى.
