سەمەي وبلىس ورتالىعى بولماق دەگەن الىپقاشپا سوزگە نۇكتە قويىلدى
بۇل تۋرالى «قازاقپارات» ح ا ا ءتىلشىسى حابارلادى.
«Facebook, vkontakte الەۋمەتتىك جەلىلەرى مەن Whatsapp مەسسەندجەرىندە تاراتىلعان وسكەمەن مەن سەمەي قالالارى مارتەبەسىنىڭ وزگەرەتىندىگى تۋرالى اقپارات شىندىققا جاناسپايدى»، - دەپ مالىمدەدى ش ق و ىشكى ساياسات باسقارماسى باسشىسىنىڭ ورىنباسارى سەرىك جەڭىسوۆ.
ايتا كەتەيىك، تاراتىلعان حابارلامالاردا سەمەيدىڭ وبلىس ورتالىعىنا اينالىپ، وسكەمەننىڭ جابىق قالا مارتەبەسىنە يە بولاتىندىعى ايتىلعان ەدى. ۆەدومستۆودا ق ر قىلمىستىق كودەكسىنە سايكەس، ازاماتتاردىڭ مۇنداي ارەكەتتەرى قىلمىستىق قۇقىق بۇزۋشىلىق سانالاتىندىعىن ەسكە سالدى.
اتاپ ايتقاندا، ق ر ق ك 274-بابى 2-تارماعىنا سايكەس ب ا ق نەمەسە اقپاراتتىق-كوممۋنيكاتسيالىق جەلىلەردى پايدالانا وتىرىپ، كورىنەۋ جالعان اقپارات تاراتقانى ءۇشىن 5 مىڭ ا ە ك كولەمىندە ايىپپۇل تولەۋ نەمەسە 2 دەن 5 جىلعا دەيىن باس بوستاندىعىنان ايىرۋ تۇرىندەگى جازاعا تارتىلادى.
