وڭتۇستىكتە وتكەن جيىن: بلوگەر دەگەن كىم
ءوڭىردىڭ جاستار ساياساتى ماسەلەلەرى جونىندەگى باسقارماسىنىڭ ۇيىمداستىرۋىمەن وتكەن شاراعا 100-گە تارتا جاستار قاتىستى، دەپ حابارلايدى قازاقپارات ح ا ا ءتىلشىسى.
جوسپارلى باسقوسۋدا جاستارعا قوعام بەلسەندىلەرى ارنايى سەمينار- ساباقتار ءوتىپ، الەۋمەتتىك جەلىلەردە وي- پىكىردى ساۋاتتى جەتكىزۋدىڭ ءمانىسىن ءتۇسىندىردى. ءوز كەزەگىندە جاستار اقپاراتتىڭ جىلدام تارالاتىن جەرىندە ونىڭ شىنايى بولۋى، كوپشىلىكتىڭ نازارىنا ىلىگۋى مەن وزگەلەرگە سەنىمىن قالىپتاستىرۋعا سەپ بولاتىنىن ءبىلدى.
«بلوگەر دەگەننىڭ ءوزى - ءسىز بەن ءبىزدىڭ ءجاي-كۇيىمىزدى كۇيتتەپ، قوعامنىڭ قوزعاۋشى كۇشىنە اينالاتىن ادامدار عوي. الەۋمەتتىك جەلىنىڭ بۇگىنگى بەلسەندى وكىلى بولعانىممەن، مەن الداعى كۇندەرى بلوگەر رەتىندە پاراقشامدى جۇرگىزگىم كەلەدى. قازىرگى ارمان- ماقساتىم دا وسى»، - دەيدى سوزاق اۋدانىنان كەلگەن الەۋمەتتىك جەلىنىڭ بەلسەندىسى ايگەرىم ايتاحانوۆا.
ايتا كەتەيىك، ايتۋلى جوبا اياسىندا وسى جىلدىڭ ماۋسىم ايىندا جاستارعا ارنايى سەمينار- ساباقتارى ۇيىمداستىرىلعان بولاتىن. وندا 250 گە تارتا اۋىل جاستارى مەن جۋرناليستەر، بەلسەندى جاستار دۇرىس اقپارات تاراتۋ، پاراقشانى الىپ ءجۇرۋ مەن دۇرىس پىكىر ءبىلدىرۋ ماسەلەلەرىن تالقىلاعان ەدى.
