ۇلى بريتانيادا بولاشاق اسكەري كەمەلەردىڭ سىزباسى تانىستىرىلدى

 مامانداردىڭ ايتۋىنشا، 50 جىلدان كەيىن اسكەري كەمەلەر مۇلدەم وزگەرەدى. ولار تەڭىز جانۋارلارى سەكىلدى سۋدا ەركىن ءجۇزىپ، باستىسى ادامنىڭ باسقارۋىنسىز قوزعالادى. ءسويتىپ سۋ استىنداعى سوعىس قيمىلدارى دا وزگەرمەك.

 مىسالى «ناۋتيلۋس» جوباسىنا سايكەس، جالپاق قاناتتى بالىققا ۇقساس كەمە جىلانبالىق ءتارىزدى سۇڭگۋىر درونمەن جابدىقتالادى. سوڭعىسى جاۋ كەمەسىن جويعان سوڭ دۇشپاننىڭ قوندىرعىسىنا ىلىكپەي عايىپ بولىپ كەتە الادى. ال سۇڭگۋىر قايىقتار سۋدا تەز جاسىرىنىپ، ساعاتىنا 270 شاقىرىم جىلدامدىقپەن جۇزەتىن دارەجەگە جەتەدى. ماماندار بولاشاقتا مۇحيتتاعى باسەكەلەستىك ارتىپ، اسكەري كەمەلەردىڭ قاراپايىم ءارى ارزان بولاتىنىن ايتادى.

 پيتەر پيپكين، II دارەجەلى كاپيتان:

 - تابيعات مىڭداعان، ءتىپتى ميلليونداعان جىلدان بەرى كەرەمەت جۇمىس جاساپ كەلەدى. وندا ءبارى ۇيلەسىمدى. جانۋارلار مەن وسىمدىكتەر ءوزىنىڭ قورشاعان ورتاسىندا ءومىر سۇرۋگە بەيىمدەلگەن سىرتقى كەلبەتكە يە. تەحنيكالىق وي- سانا ءارقاشان دا وسىعان ۇمتىلعان. ال قازىرگى تاڭدا گرافەن، جاساندى اقىل سياقتى يننوۆاتسيالار تابيعات پاش ەتىپ وتىرعانداي ءتيىمدى قۇراستىرىلىم جاساۋعا مۇمكىندىك بەرەدى.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى