مينيستر سۇلتانوۆ دەپۋتاتتارعا زەينەتاقىنىڭ قالايشا كوتەرىلەتىنىن بايانداپ بەردى

وسىعان بايلانىستى بيۋدجەت شىعىندارى دا وسەدى، دەپ حابارلايدى قازاقپارات ءتىلشىسى.

 «2018 -جىلدا زەينەتاقىنىڭ ورتاشا كولەمى اعىمداعى جىلمەن سالىستىرعاندا،  3849 تەڭگەگە ارتىپ،  56059 تەڭگەنى قۇرايتىن بولادى. ال بازالىق زەينەتاقىنىڭ مولشەرى 11 مىڭعا ارتادى دا، 25,5 تەڭگەگە جەتەدى. بۇدان بولەك، الەۋمەتتىك كومەكتىڭ جاڭا فورماتى ەنگىزىلەدى. وندا تومەنگى كۇنكورىس دەڭگەيى ەسكەرىلەدى.

جالپى، 2018 -جىلدا رەسپۋبليكالىق بيۋدجەتتىڭ شىعىندارى 9 تريلليون 218 ميلليارد تەڭگەنى قۇرايدى. 2019 -جىلدا - 9 تريلليلن 797 ميلليارد، ال 2020 -جىلدا 10 تريلليون 220 ميلليارد تەڭگەگە جەتەدى»، - دەپ اتاپ كورسەتتى ق ر قارجى ءمينيسترى باقىت سۇلتانوۆ بۇگىن «2018-2020 -جىلدارعا ارنالعان رەسپۋبليكالىق بيۋدجەت تۋرالى» زاڭنىڭ جوباسىن تانىستىرۋ بارىسىندا.

ونىڭ ايتۋىنشا، زەينەتاقىعا كەتەتىن اقشانىڭ ۇلعايۋىنا بىرنەشە سەبەپ بار. بىرىنشىدەن، زەينەتكەرلەر 44 مىڭ ادامعا ارتادى. سونداي- اق، اتالعان الەۋمەتتىك تولەماقىنىڭ يندەكساتسياسى جۇرگىزىلەدى. ەكىنشىدەن، 2018 -جىلى 1 - شىلدەدەن باستاپ، بازالىق زەينەتاقىنىڭ تاعايىنداۋ ەرەجەلەرى وزگەرەدى.

 اۆتور: ارمان اسقاروۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى