الماتى اكىمى جاپون مەديتسيناسىنىڭ ورتالىعىن اشۋ ماسەلەسىن تالقىلادى

دەپ حابارلايدى قازاقپارات قالالىق اكىمدىكتىڭ باسپا ءسوز قىزمەتىنە سىلتەمە جاساي وتىرىپ.

 «ءبىز الماتىدا تەك كلينيكا عانا ەمەس، وبىردى ەرتە انىقتايتىن دياگنوستيكالىق ورتالىق اشقىمىز كەلەدى، سوندا عانا ونى ەمدەۋدىڭ تيىمدىلىگى ارتادى، ەمدەلۋشى ءۇشىن دە ارزان بولادى. ول ورتالىق ەڭ وزىق تەحنولوگيالارمەن جابدىقتالادى. قارجى ينۆەستيتسياسىمەن قوسا تەحنولوگيا ترانسفەرتى دە بولادى، ءبىز ءۇشىن جەرگىلىكتى مامانداردىڭ بىلىكتىلىگىن ارتتىرۋ ماڭىزدى. ولار جاپونيادا تاجىريبەدەن وتەدى»، - دەدى «Medical Excellence Japan» ۆيتسە- پرەزيدەنتى. كەزدەسۋدە باۋىرجان بايبەك كۇنشىعىس ەلى قازاقستاننىڭ باستى سەرىكتەستەرىنىڭ ءبىرى ەكەنىن اتاپ ءوتتى. «جاپونيا جوعارى تەحنولوگياسىمەن بەلگىلى، كەز- كەلگەن سالا بويىنشا شىعارىلعان ءونىمى ساپالى. الماتىدا ماڭىزدى كلينيكا اشۋ جالپى مەديتسينالىق قىزمەت ساپاسىن ارتتىرۋدىڭ باستى كەپىلى، سونىمەن قاتار وڭتۇستىك استانادا مەديتسينالىق ءتۋريزمدى دامىتۋعا دا ىقپال ەتەر ەدى»، - دەدى باۋىرجان بايبەك.

كەزدەسۋ قورىتىندىسى بويىنشا ىنتىماقتاستىق تۋرالى مەموراندۋمعا قول قويىلدى جانە اتالعان جوبانى جۇزەگە اسىرۋدىڭ ناقتىلى جوسپارىن جاساۋعا كەلىستى. ايتا كەتەرلىگى، الماتى مەن جاپونيا اراسىنداعى ىنتىماقتاستىق نىعايىپ كەلەدى. بيلعى جىلدىڭ ءبىرىنشى جارتىجىلدىعىندا تاۋار اينالىمى وتكەن جىلدىڭ وسى كەزەڭىمەن سالىستىرعاندا 84,9- پايىزعا ءوستى، قالادا 14 بىرىككەن جانە 21 جاپونيالىق كاسىپورىن تىركەلگەن.

 اۆتور: الماس مۇقاش ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى