اتىراۋدا نۇرلان ورازالين مەن سماعۇل ەلۋبايدىڭ شىعارماشىلىق كەشى ءوتتى
شىعارماشىلىق كەشكە ادامدار قاراسى كوپ جينالدى. شارانى اتىراۋ وبلىسىنىڭ اكىمى نۇرلان نوعايەۆ تا تاماشالادى. كەش بارىسىندا نۇرلان ورازالين ادەبيەتكە قاتىستى اڭگىمەلەر مەن عۇمىرباياندىق ەستەلىكتەرىن ايتتى. ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسى تۋرالى ويىمەن ءبولىستى.
«ماقالا ۇلتتى ۇيىستىرۋدى ماقسات ەتكەن جاڭا تاريحي قۇجات. «ماڭگىلىك ەل» يدەياسىن جۇزەگە اسىرۋ ارقىلى باسەكەگە قابىلەتتى ازاماتتاردى تاربيەلەۋگە ايرىقشا كوڭىل ءبولىنىپ وتىر. وسكەلەڭ ۇرپاقتى قازاق حالقىنىڭ جالپى ۇلتتىق قۇندىلىقتارىن باعالاي بىلۋگە تəربيەلەۋ جايى وسى ماقالادا ناقتى كورسەتىلگەن»، - دەدى نۇرلان ورازالين.
سماعۇل ەلۋباي دا نۇرلان ورازاليننىڭ پىكىرىن قۋاتتاپ، جاس ۇرپاققا تاۋەلسىز قازاقستاننىڭ جاڭا تاريحىن جاساۋ جاۋاپكەرشىلىگى جۇكتەلگەنىنە توقتالدى. اتىراۋ وبلىسىنا ساپارلارىندا قوس قالامگەر ايماقتاعى جاس ادەبيەتشىلەرمەن دە جۇزدەستى.
