قازاقستاندا كۇزگى اسكەرگە شاقىرۋ باستالدى
2017-جىلدىڭ كۇزىندە ق ر قارۋلى كۇشتەرىنە، باسقا دا اسكەرلەرى مەن اسكەري قۇرىلىمدارىنا 1999-1990-جىلدار ارالىعىندا تۋعان 16 مىڭ ازاماتتى اسكەر قاتارىنا شاقىرۋ جوسپارلانۋدا، دەپ حابارلايدى ق ر قورعانىس مينيسترلىگىنىڭ باسپا ءسوز قىزمەتى.
قازاقستان رەسپۋبليكاسىنىڭ 2012-جىلدىڭ 16- اقپانداعى «اسكەري قىزمەت جانە اسكەري قىزمەتشىلەردىڭ مارتەبەسى تۋرالى» زاڭىنا، سونداي-اق قازاقستان رەسپۋبليكاسى پرەزيدەنتىنىڭ 2017-جىلدىڭ 16- ناۋرىزىنداعى 449№ «اسكەري قىزمەتتىڭ بەلگىلەنگەن مەرزىمىن وتكەرگەن مەرزىمدى اسكەري قىزمەتتەگى اسكەري قىزمەتشىلەردى زاپاسقا شىعارۋ جانە قازاقستان رەسپۋبليكاسىنىڭ ازاماتتارىن 2017-جىلدىڭ ناۋرىز - ماۋسىمىندا جانە قىركۇيەك - جەلتوقسانىندا مەرزىمدى اسكەري قىزمەتكە كەزەكتى شاقىرۋ تۋرالى» جارلىعىنا سايكەس، قازاقستان رەسپۋبليكاسىنىڭ قارۋلى كۇشتەرىن، باسقا دا اسكەرلەرى مەن اسكەري قۇرىلىمدارىنىڭ اسكەري بولىمدەرى مەن مەكەمەلەرىن جيناقتاۋ ءۇشىن 2017-جىلدىڭ كۇزىندە جاس اسكەرمەن تولىقتىرۋ ماقساتىندا، اعىمداعى جىلدىڭ 2- قىركۇيەگىنەن باستاپ رەسپۋبليكادا شاقىرتۋ جانە مەديتسينالىق كوميسسيا ءوز جۇمىسىن باستايدى.
شاقىرىلۋشىلاردى اسكەري بولىمدەرگە ءبولۋ جانە ىرىكتەۋ كەزىندە الدىن الا تەكسەرۋ ناتيجەسى مەن ولاردىڭ اسكەرگە شاقىرىلعانعا دەيىن العان ماماندىقتارى ەسكەرىلەدى. اسكەري بولىمدەردى تولىقتىرۋ اۋماقتىق قاعيدا بويىنشا جۇزەگە اسىرىلادى.
مەديتسينالىق كۋالاندىرۋ مەن اسكەر قاتارىنا شاقىرۋ ءتارتىبى تۋرالى ماسەلەلەردى شۇعىل شەشۋ ءۇشىن ق ر قورعانىس مينيسترلىگىندە كەزەڭ بويى «قاۋىرت جەلى» جۇمىس ىستەيتىن بولادى.
جاۋاپتى لاۋازىمدى تۇلعالار تۇسىنىك بەرىپ، ازاماتتاردىڭ بارلىق سۇراقتارىنا جاۋاپ بەرەدى. كەڭەستى مىنا تەلەفوندار بويىنشا الۋعا بولادى: 87172721389 جانە 721606.
