قايرات جاماليەۆ تۋرالى اقپاراتقا قاتىستى ءىس قوزعالدى - باس پروكۋراتۋرا

«ۆرەميا» گازەتىندە جاريالانعان «پيۆكا دليا زەكا» ماقالاسىنداعى (ا. ج. 31- تامىزىنداعى) ك. جاماليەۆتىڭ ايرىقشا جاعدايدا ۇستالۋى جونىندەگى ۋاجدەر بويىنشا الماتى وبلىستىق پروكۋراتۋراسىمەن ا. ج. 31- تامىزىندا ونىڭ جازا وتەۋ جاعدايىنا لا-155/14 مەكەمەسىندە (جالپى رەجيم، زارەچنىي سەلوسى الماتى وبلىسى.) تەكسەرۋ جۇرگىزىلدى.

تەكسەرۋ جۇرگىزۋ بارىسىندا جاماليەۆ كارانتين بولىمىندە شارۋاشىلىق مەڭگەرۋشىسىنىڭ كومەكشىسى بولىپ قىزمەت اتقارىپ، جازاسىن وتەۋدە ەكەنى انىقتالدى.

جوعارىدا اتالعان ماقالادا، سونداي-اق ا. ج. 31- تامىزىنداعى «31» ت ۆ كانالدا از. ك. گۋداۋسكاستىڭ بەرگەن سۇحباتىنداعى جاماليەۆ كولونيادا ارتىقشىلىقتار پايدالاناتىندىعى، ۇيالى تەلەفونى بار ەكەندىگى جانە ت. ب. دەرەكتەرى تەرگەۋ امالدارىن جۇرگىزۋدى تالاپ ەتەدى.

وسىعان بايلانىستى، وبلىستىق پروكۋراتۋرامەن 1- قىركۇيەگىندە ق ق- ءتىڭ 361-بابىنىڭ 2-تارماعىمەن الماتى وبلىسى بويىنشا قىلمىستىق اتقارۋ جۇيەسى دەپارتامەنتىنىڭ لاۋازىمدى تۇلعالارىمەن لاۋازىمدىق وكىلەتتىلىكتەردى اسىرا پايدالانۋ دەرەگى بويىنشا قىلمىستىق ءىستىڭ تەرگەۋى تىركەلدى.

​تەرگەۋ امالدارى سىبايلاس جەمقورلىققا قارسى ءىس-قيمىل ۇلتتىق بيۋرونىڭ وبلىستىق دەپارتامەنتىنە تاپسىرىلدى. تەرگەۋ بارىسى باس پروكۋراتۋرانىڭ باقىلاۋىنا الىندى»، - دەلىنگەن ق ر باس پروكۋراتۋراسى تاراتقان حابارلامادا.

ەسكە سالا كەتەيىك، بۇعان دەيىن دە ق ر ىشكى ىستەر مينيسترلىگى قايرات جاماليەۆتىڭ تۇرمەدە ۆيپ كامەرادا وتىرعاندىعى تۋرالى اقپاراتتى جوققا شىعارعان بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى