رەسەي ەلشىسى: ا ق ش- پەن اسكەري بايلانىستى قالپىنا كەلتىرۋ كەرەك
ماسكەۋ مەن رەسەي اراسىنداعى اسكەري بايلانىس 2014-جىلى رەسەي ۋكراينادان قىرىم تۇبەگىن اننەكسيالاپ العان سوڭ توقتاپ قالعان بولاتىن، ءبىراق ا ق ش مەملەكەتتىك حاتشىسى مەن رەسەي سىرتقى ىستەر ءمينيسترى كەزدەسىپ تۇرادى.
انتونوۆ «كوممەرسانت» باسىلىمىنا بەرگەن سۇحباتىندا «ورتاق بايلانىستى قايتا جاڭعىرتاتىن ۋاقىت تۋعانىن» ايتىپ، رەسەي فەدەرالدىق قاۋىپسىزدىك قىزمەتى مەن ا ق ش ورتالىق بارلاۋ باسقارماسى باسشىلارىنىڭ كەزدەسۋىن قايتا ۇيىمداستىرۋعا شاقىردى. ونىڭ پىكىرىنشە، مۇنداي كەزدەسۋ تەرروريزممەن جانە كيبەرشابۋىلمەن كۇرەستە كومەگىن تيگزەدى.
انتونوۆ سونىمەن قاتار رەسەي قاۋىپسىزدىك كەڭەسى مەن ا ق ش ۇلتتىق قاۋىپسىزدىك كەڭەسى اراسىنداعى قىزمەتتىك ىنتىماقتاستىق ورناتۋدى دا ۇسىندى.
«ءبىز ەكى جاقتى قارىم-قاتىناستاردى قالپىنا كەلتىرۋگە مۇددەلىمىز» دەدى رەسەي ەلشىسى.
«بىزدەردىڭ ەلدەرىمىز ءبىر-بىرىنە جاقىنداعان سايىن حالىقارالىق قاۋىپسىزدىك تە نىعايا تۇسەدى. بۇنىڭ امەريكالىقتار مەن رەسەيلىكتەردىڭ مۇددەسىنە بىردەي ساي كەلەتىنىنە سەنىمدىمىن» دەدى انتونوۆ.
ا ق ش كونگرەسى ماسكەۋدىڭ 2016-جىلعى ا ق ش پرەزيدەنتىن سايلاۋ بارىسىنا سول كەزدەگى رەسپۋبليكاشىلدار كانديداتى، رەسەيمەن قارىم-قاتىناستى جاقسارتاۋعا ۋادە بەرگەن دونالد ترامپتىڭ سايلانۋىنا ىقپال ەتۋ ماقساتىندا ىقتيمال كيلىگۋ ارەكەتىن تەكسەرىپ جاتىر.
