جەلىدە «قىزدارعا ارنالعان گلوبۋس» شۋ شىعاردى
فوتونىڭ اۆتورى مۇنداي ەرەكشە گلوبۋستاردى نە ءۇشىن شىعارعانىن دا ءتۇسىندىرىپ وتكەن.
ونىڭ پىكىرى بويىنشا، ماركەتولوگتار كادىمگى كوك ءتۇستى گلوبۋستار كوبىنە ۇل بالالارعا ساتىپ الىناتىن زاتتاردى ەسكە تۇسىرەتىندىكتەن، قىزدارعا ارنالعان زاتتاردىڭ كوبى قىزلت ءتۇستى بولاتىندىعىن ەسكەرە وتىرىپ، گلوبۋستىڭ وسىنداي تۇسكە بويالعان نۇسقاسىن شىعارۋ يدەياسىن ۇسىنعان كورىنەدى.
جەلى قولدانۋشىلارى Twitter- جازبانى 12 مىڭنان استام رەت ءبولىسىپ، 23 مىڭعا جۋىق لايك باسقان.
وسىعان قاراماستان، كوپشىلىكتىڭ اراسىندا جوعارىداعى فوتوعا قاتىستى پىكىرلەر جەلىدە داۋ تۋعىزدى. كوپشىلىك تاۋاردا ونىڭ جىنىستىق تيەسىلىگى، ياعني قىز بالاعا نەمەسە ۇل بالاعا ارنالعانى كورسەتىلمەگەنىن جانە فوتونىڭ اۆتورى وسى تاۋارعا قاتىستى ەرلەر مەن ايەلدەر اراسىندا كەلىسپەۋشىلىك تۋدىرۋ ءۇشىن ادەيى جاريالاعان دەپ كىنالاۋدا.
ەندى بىرەۋلەر «گلوبۋس مىندەتتى تۇردە كوك ءتۇستى بولۋى كەرەك پا ءوزى؟» دەگەن سۇراقتى توتەسىنەن قويىپ وتىر. تاعى بىرەۋلەر بولسا، تاريحتا وسى كەزگە دەيىن شىعارىلعان ءتۇرلى- ءتۇستى گلوبۋستاردى ءتىزىپ شىقتى: ولاردىڭ مالىمەۋىنشە قارا تۇستەن باستاپ التىن جالاتىلعان گلوبۋستارعا دەيىن بولعان ەكەن.
تاۋار وندىرۋشىلەردىڭ مۇنداي ءتۇستى نە ءۇشىن تاڭداپ العانىنا قاتىستى ءوز فانتازيالارىنا ەرىك بەرۋشىلەر دە كەزدەستى. ولاردىڭ پىكىرى بويىنشا، ديزاينەرلەردىڭ وسى ءتۇستى تاڭداپ الۋىنىڭ باستى سەبەبى - ولار ادامزاتتىڭ جاقىندا جەر بەتىنەن جويىلاتىندىعىن نۇسقاۋ بولىپ تابىلادى، سول سەبەپتى مۇحيتتاردى قان تۇستەس قىزعىلت ەتىپ بوياعان دەيدى.
