الماتى وبلىسىندا ات جارىسىنان پرەزيدەنت كۋبوگى ويناتىلدى

جارىستىڭ تورەسى سانالاتىن الامان بايگەدە 1- ورىن قاراساي اۋدانىنىڭ «اقتابان» اتتى جۇيرىگىنە بۇيىردى. جەڭىمپازعا «ۋاز پاتريوت» اۆتوكولىگىنىڭ كىلتى تابىستالدى. 2- ورىنعا وڭتۇستىك قازاقستان وبلىسىنىڭ «كەرى داۋىل» سايگۇلىگى جايعاستى. يەسىنە نيۆا اۆتوكولىگىنىڭ كىلتى سىيعا بەرىلدى.

 سونداي- اق ءۇشىنشى ورىنعا «لادا گرانتا»، ءتورتىنشى جانە بەسىنشى ورىندارعا قارجىلاي سىيلىقتار تابىستالدى. ال تاي جارىستا 1- بولىپ جامبىل اۋدانى اتىنان توپقا تۇسكەن «كوڭىلاشار» جۇيرىگى كەلدى. جەڭىمپازعا  200000 تەڭگەنىڭ قارجىلاي سىيلىعى تابىستالدى. 2- ورىندى قاراساي اۋدانىنىڭ نامىسىن قورعاعان «ايشىق» اتتى جۇيرىگى يەلەندى. وعان  150000 ت گ تابىستالدى. 3- بولىپ كەلگەن جامبىل وبلىسىنىڭ «ارابەللا» اتتى جۇيرىگى يەسىنە  100000 تەڭگەنىڭ سىياقىسىن الۋىنا مۇمكىندىك تۋعىزدى.

توق بايگەدە ءبىرىنشى ورىندى قىرعىزستان رەسپۋبليكاسىنىڭ «بايتورى» اتتى سايگۇلىگى يەلەندى. جەڭىمپازعا «نيۆا» اۆتوكولىگىنىڭ كىلتى تابىستالدى. 2- ورىندى يەلەنگەن قاراساي اۋدانىنىڭ «قوزىكۇرەڭ» اتتى جۇيرىگىنىڭ يەسى «لادا گرانتا» اۆتوكولىگىنىڭ كىلتىنە يە بولدى. 3- بولىپ قىرعىزستاننىڭ «قاراقۇسى» كەلىپ،  000 150تەڭگەنى جەڭىپ الدى. الماتى وبلىسى اكىمدىگىنىڭ ۇيىمداستىرۋىمەن وتكەن جارىس داستۇرگە ساي جامبىل اۋدانىنىڭ كوكباستاۋ اتشابارىندا ءوتتى.

 اۆتور: سامال قابىشيەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى