الماتى وبلىسىندا قۇلاعان ۇشاقتىڭ ىشىندە تۋريست بولعان - دارىگەر
بۇل جونىندە قازاقپارات تىلشىسىنە اۋداندىق اۋرۋحانانىڭ باس دارىگەرى ءمالىم ەتتى.
رينات مۇراتبايەۆتىڭ ايتۋىنشا، جاراقات العان ەكىنشى ادامنىڭ ءبىر اياعى سىنعان. «ءبىراق جاراقاتتانعان ازامات اۋداندىق اۋرۋحانانىڭ كومەگىنە جۇگىنبەدى. وعان ءوزىنىڭ جەكە دارىگەرلەرى العاشقى كومەكتى كورسەتكەن. ناۋقاسقا جەكە ۇشاق شاقىرتىلىپ، ونى جەدەل تۇردە الماتىعا الىپ كەتكەن»، - دەدى اۋداندىق اۋرۋحانانىڭ باس دارىگەرى.
ەستەرىڭىزگە سالا كەتەيىك، بۇگىن ساعات ون ءبىر شاماسىندا جيدەلى اۋىلدىق وكرۋگىنىڭ ماڭىنا ۇشاق قۇلاپ، ءبىر ادام مەرت بولدى. ەكى كىسىلىك اۋە كەمەسىندەگى ەكىنشى ادام اۋرۋحاناعا جەتكىزىلگەن.
اتالمىش وقيعا بويىنشا ق ر ي د م كولىك اپاتى مەن وقيعاسىن تەكسەرۋ جونىندەگى دەپارتامەنتى تەكسەرۋ جۇرگىزەدى.
